LEXO PA REKLAMA!

SHKARKO APP

App Store
Google Play

Ukraina gati për kundërofensivë/ Paralajmëron presidenti Zelensky

3 Qershor 2023, 15:28, Kosova & Bota CNA

Ukraina gati për kundërofensivë/ Paralajmëron presidenti

Presidenti i Ukrainës Volodymyr Zelensky gjatë një interviste u shpreh se vendi që ai drejton është i gatshëm të nisë kundërofensivën e tij për të rimarrë territorin e pushtuar nga Rusia.

“Ne besojmë fuqishëm se do të kemi sukses”, u shpreh Volodymyr Zelensky.

"Nuk e di sa kohë do të zgjasë. Për të qenë i sinqertë, mund të shkojë në mënyra të ndryshme, krejtësisht ndryshe. Por ne do ta bëjmë dhe jemi gati”, tha ai më tej.

Kievi shpreson se një kundërsulm për të rimarrë territorin do të ndryshojë vazhdimësinë e luftës me Rusinë.

Presidenti tha muajin e kaluar se Ukraina duhej të priste që të vinin më shumë automjete të blinduara perëndimore përpara se të niste kundërofensivën.

Rusia ka nën kontroll pjesë të territorit ukrainas në lindje, jug dhe juglindje.

Të shtunën, ushtria ukrainase tha në një raport të përditshëm se Mariinka në rajonin e Donetskut në lindje ishte fokusi i luftimeve. Forcat ukrainase zmbrapsën të 14 sulmet e trupave ruse atje, thuhet në raport.

 

 

 

Lajmet e fundit nga