web counter
LEXO PA REKLAMA!

SHKARKO APP

App Store
Google Play

Turqia vendos masa ndaj "Meta"-s/ Gjobë 136 mijë euro në ditë

19 Mars 2024, 10:47, Kosova & Bota CNA
Turqia vendos masa ndaj "Meta"-s/ Gjobë 136 mijë euro
Foto ilustruese

Autoriteti Shtetëror i Konkurrencës i Turqisë njoftoi sot se ka vendosur një masë të përkohshme ndaj "Meta"-s për të parandaluar ndarjen e të dhënave ndërmjet platformave të saj "Instagram" dhe "Trades".

Ky vendim i autoriteteve turke është pjesë e një hetimi për abuzimin e mundshëm të pozitës dominuese të kompanisë amerikane të teknologjisë në treg, raporton "Reuters".

Në dhjetor, Ankaraja nisi një hetim ndaj "Meta"-s për shkelje të mundshme të ligjit të konkurrencës duke lidhur platformën e mediave sociale "Instagram" dhe aplikacionin më të ri "Trades".

Autoriteti njoftoi se masa e përkohshme do të qëndrojë në fuqi deri në marrjen e një vendimi përfundimtar, pasi “të dhënat e marra dhe të kombinuara nëpërmjet këtyre dy aplikimeve mund të përbëjnë shkelje të ligjit të konkurrencës dhe të shkaktojnë dëme të pariparueshme në treg”.

Autoritetet turke tashmë po gjobisin "Meta"-n me 4.8 milionë lira (136,000 euro) në ditë, si pjesë e një hetimi të veçantë për njoftimet për ndarjen e të dhënave që kompania u dërgon përdoruesve.

Ankaraja shtoi se njoftimi ishte krijuar gjithashtu për t'i drejtuar përdoruesit që të pranojnë ndarjen e të dhënave, gjë që mund të konsiderohet e pamjaftueshme për të adresuar shqetësimet e mbrojtjes së konkurrencës./CNA 





Lajmet e fundit nga