web counter
LEXO PA REKLAMA!

SHKARKO APP

App Store
Google Play

Talebanët: Tetë persona janë vrarë prej dy sulmeve ajrore të Pakistanit në Afganistan

18 Mars 2024, 09:46, Kosova & Bota CNA
Talebanët: Tetë persona janë vrarë prej dy sulmeve ajrore
Zëdhënësi i talebanëve, Zabiullah Mujahid

Talebanët në Afganistan kanë thënë të hënën se Pakistani i ka kryer dy sulme ajrore në territorin afgan, duke i vrarë pesë gra dhe tre fëmijë.

Zëdhënësi i talebanëve, Zabiullah Mujahid, i ka dënuar sulmet dhe i ka konsideruar si shkelje e sovranitetit.

Për sulmet është raportuar teksa vendet fqinje besojnë se sulmet e fundit në Pakistan janë nisur prej tokës afgane.

Talebanët që janë në pushtet në Afganistan, i kanë hedhur poshtë këto akuza.

“Emiratet Islamike të Afganistanit nuk e lejojnë askënd që të komprometojë sigurinë, duke e shfrytëzuar territorin afgan”, ka thënë Mujahid.

Sulmet kanë lënë të vrarë pesë gra dhe tre fëmijë në provincat lindore Kost dhe Paktika, ka thënë ai.

Ushtria e Pakistanit nuk i ka komentuar akuzat afgane.

Ditë më parë ka pasur raportime për sulme të disa militantëve në Pakistan, duke lënë të vrarë shtatë zyrtarë të sigurisë.

Ndonëse ende nuk është bërë e qartë se çfarë e ka nxitur sulmin, Qeveria e Pakistanit dhe zyrtarë të sigurisë kanë thënë se sulmet janë shtuar në muajt e fundit dhe për një pjesë të tyre përgjegjësinë e kanë marrë talebanët pakistanezë, dhe që sulmet janë nisur prej tokës afgane.

Talebanët afganë, në anën tjetër, e kanë mohuar që lejojnë territorin e tyre të shfrytëzohet prej militantëve.

“Pakistani nuk duhet të fajësojë Afganistanin për mungesë kontrolli, jokompetencë dhe problemet që i ka në territorin e vet”, ka thënë Mujahid përmes deklaratës.

“Incidente të tilla mund të kenë pasoja shumë të rënda, të cilat nuk do të jenë në kontrollin e Pakistanit”./ REL





Lajmet e fundit nga