web counter
LEXO PA REKLAMA!

SHKARKO APP

App Store
Google Play

E fundit!

x

Stoltenberg-Erdoganit: Suedia i ka përmbushur kushtet për anëtarësim në NATO

4 Qershor 2023, 16:17, Kosova & Bota CNA

Stoltenberg-Erdoganit: Suedia i ka përmbushur kushtet për

Shefi i NATO-s, Jens Stoltenberg i ka bërë thirrje Turqisë që të ndryshojë qasjen ndaj Suedisë, në mënyrë që të anëtarësohet në NATO.

Sipas tij, Stokholmi i ka adresuar shqetësimet e Turqisë, lidhur me sigurinë.

“Suedia ka marrë hapa konkretë për t’i shmangur shqetësimet e Turqisë”, u ka thënë Stoltenberg gazetarëve, pas takimit me Erdoganin.

“Suedia i ka përmbushur të gjitha obligimet”.

Pse Turqia po e pengon futjen e Suedisë në NATO?

Shefi i NATO-s ka marrë pjesë të shtunën në ceremoninë për mandatin e radhës 5-vjeçar të Erdogan.

Turqia, anëtare e NATO-s, po mban të bllokuar anëtarësimin e Suedisë në aleancë.

Ajo dhe Hungaria, janë të vetmet vende anëtare që nuk e kanë ratifikuar aplikimin e Suedisë.

Finlanda, me të cilën Suedia ka aplikuar për anëtarësim, i është bashkuar aleancës në prill.

Erdogani e ka akuzuar Suedinë se është kthyer në strehë për “terroristët”, sidomos për pjesëtarët e Partisë Popullore të Kurdistanit (PKK).

Ky grup është në listën e zezë të Turqisë, dhe aleatëve të saj perëndimorë./ CNA.al





Lajmet e fundit nga