LEXO PA REKLAMA!

SHKARKO APP

E fundit!

x

Sekretari amerikan i Mbrojtjes premton trajnime ushtarake për vendet baltike

10 Gusht 2022, 23:02, Kosova & Bota CNA
Sekretari amerikan i Mbrojtjes premton trajnime ushtarake për vendet
Sekretari amerikan i Mbrojtjes, Lloyd Austin dhe ministri letonez i Mbrojtjes, Artis Pabriks

Shtetet e Bashkuara të Amerikës do të kryejnë më shumë stërvitje ushtarake me vendet baltike, siç është Letonia, dhe do ofrojnë trajnime të shtuara, tha më 10 gusht Sekretari amerikan i Mbrojtjes, Lloyd Austin.

Gjatë një konference për media me ministrin e Mbrojtjes të Letonisë, Artis Pabriks në Riga, ai tha se nëse është e nevojshme, Uashingtoni mund të sjellë gjithashtu më shumë trupa amerikane për të forcuar rajonin kundër çdo kërcënimi të mundshëm nga Rusia.

Austin, i cili po qëndron në një vizitë dyditore në Letoni, tha se planet për të bërë rrotacione të vazhdueshme të forcave në Baltik janë që të përdorin trupa nga brigadat e SHBA-së në Rumani dhe pjesë të tjera të Europës, por "ne mund të sjellim edhe forca nga Shtetet e Bashkuara”.

Gjatë vizitës së tij, Austin ripërsëti vazhdimisht angazhimin e Amerikës për të ndihmuar rajonin që të mbrohet.

Austin është Sekretari i parë i Mbrojtjes i SHBA-së që viziton Letoninë në gati tre dekada, duke theksuar rëndësinë e shtuar të vendeve baltike që qëndrojnë në skajin perëndimor të Rusisë.

Pentagoni tha se shefi i fundit i mbrojtjes i SHBA-së që shkoi në Letoni ishte William Perry në vitin 1995./ REL

Lajmet e fundit nga