LEXO PA REKLAMA!

SHKARKO APP

Joe Biden nënshkruan dokumentet e anëtarësimit në NATO për Finlandën dhe Suedinë

9 Gusht 2022, 21:48, Kosova & Bota CNA
Joe Biden nënshkruan dokumentet e anëtarësimit në NATO
Joe Biden

Presidenti i SHBA-së, Joe Biden, ka nënshkruar dokumentet e ratifikimit për të pranuar Suedinë dhe Finlandën në NATO, duke i sjellë vendet e Europës veriore më afër anëtarësimit në aleancë.

Senati amerikan kishte mbështetur me shumicë dërrmuese zgjerimin e NATO-s për të përfshirë Finlandën dhe Suedinë në një votim 95-1 javën e kaluar.

"Ishte dhe është një moment vendimtar që besoj në aleancë dhe për sigurinë dhe stabilitetin më të madh jo vetëm të Europës dhe Shteteve të Bashkuara, por të botës," tha ai për hyrjen e tyre në aleancën e pas Luftës së Dytë Botërore.

Të dyja vendet filluan të kërkojnë anëtarësimin në NATO pas pushtimit rus të Ukrainës në fillim të këtij viti.

“Putin mendoi se mund të na ndajë… të na dobësojë vendosmërinë. Në vend të kësaj, ai po merr pikërisht atë që nuk donte. Ai donte Finlandizimin e NATO-s, por ai po merr NATOizimin e Finlandës së bashku me Suedinë”, tha Biden./CNA.al

Lajmet e fundit nga