web counter
LEXO PA REKLAMA!

SHKARKO APP

App Store
Google Play

Rrëzohet qeveria në Francë

4 Dhjetor 2024, 20:33, Kosova & Bota CNA

Rrëzohet qeveria në Francë

Këtë të mërkurë është rrëzuar qeveria e kryeministrit të Francës, Michel Barnier.

331 deputetë votuan pro mocionit të mosbesimit të paraqitur nga Fronti i Ri Popullor kundër qeverisë.

Ky numër tejkalon shumicën absolute që është 288, raporton "Le Monde". Si rezultat, është refuzuar edhe projektligji i financimit të sigurimeve shoqërore për vitin 2025.

Tashmë kryeministri do t'i dorëzojë dorëheqjen Presidentit Emmanuel Macron.

Në një përpjekje të fundit për të shpëtuar qeverinë e tij, Kryeministri Barnier u bëri thirrje ligjvënësve të veprojnë me “përgjegjësi” dhe të mendojnë për “interesin e vendit”.

Qeveria Barnier është e dyta që rrëzohet, pas asaj të Georges Pompidou në 1962.

Kryeministri Barnier, një politikan konservator, u emërua në këtë post në muajin shtator. Ai është kryeministri më jetëshkurtër në historinë e Francës moderne.

Presidenti Macron duhet të emërojë një kryeministër të ri, por përbërja e parlamentit të përçarë nuk ndryshon. Ndërkohë zgjedhjet parlamentare nuk mund të mbahen deri të paktën në muajin korrik, duke krijuar një ngërç të mundshëm për hartuesit e politikave.

Mungesa e stabilitetit politik ka mundësi të trondisë tregjet financiare./ CNA





Lajmet e fundit nga