web counter
LEXO PA REKLAMA!

SHKARKO APP

App Store
Google Play

Ra nga muri i monumentit ikonik në Romë/ Humb jetën turisti japonez

25 Tetor 2025, 16:19, Kosova & Bota CNA

Ra nga muri i monumentit ikonik në Romë/ Humb jetën turisti

Një turist japonez ka humbur jetën në Romë pasi ra nga muri i jashtëm i Panteonit, një nga monumentet më ikonike të Italisë. 69-vjeçari ishte ulur në murin e jashtëm të Panteonit kur, në rrethana të paqarta, ra në një hapësirë rreth shtatë metra të thellë që rrethon monumentin.

Ekipet e shpëtimit mbërritën në vendngjarje, por turisti kishte ndërruar jetë në vendin e ngjarjes. Policia e Romës ka nisur një hetim për rrethanat e aksidentit. Sipas mediave italiane, turisti ndodhej në Romë me vajzën e tij, e cila u tha autoriteteve se babai i saj humbi ekuilibrin pasi papritmas u ndje keq.

Zona përreth murit të jashtëm të Panteonit është veçanërisht e mbushur me turistë që ndalojnë për të pushuar ose për të bërë foto. Panteoni, i ndërtuar nga perandori romak Hadrian dhe i njohur për kupolën e tij imponuese me hapjen karakteristike, mbetet një nga monumentet më të vizituara në Itali.

Hyrja në monument ishte falas deri në vitin 2023, kur u prezantua një biletë prej pesë eurosh,  një vendim që kishte shkaktuar reagime, por nuk e uli popullaritetin e tij. Vetëm në vitin 2024, më shumë se katër milionë njerëz e vizituan atë, me radhë që formoheshin çdo ditë në Piazza della Rotonda. /CNA





Lajmet e fundit nga