web counter
LEXO PA REKLAMA!

SHKARKO APP

App Store
Google Play

"Nuk i kam dhënë fund ende"/ Kamala Harris lë të hapur mundësinë e rikandidimit për presidente

25 Tetor 2025, 15:24, Kosova & Bota CNA

"Nuk i kam dhënë fund ende"/ Kamala Harris lë të

Ish-zëvendëspresidentja e SHBA-së, Kamala Harris, i ka thënë "BBC"-së se mund të kandidojë përsëri për Shtëpinë e Bardhë.

Në intervistën e saj të parë në Mbretërinë e Bashkuar, Harris tha se "ndoshta" do të bëhej presidente një ditë dhe ishte e bindur se do të ketë një grua në Shtëpinë e Bardhë në të ardhmen.

Harris se do të ketë një tjetër kandidaturë në zgjedhjet presidenciale në vitin 2028, pasi humbi ndaj Donald Trump vitin e kaluar. Harris hodhi poshtë sondazhet që e vendosnin atë si një kandidate të jashtme për t'u bërë zgjedhja e demokratëve për zgjedhjet e ardhshme.

Në intervistën për "BBC"-në, Harris përmendi mundësinë e një kandidimi tjetër për në Shtëpinë e Bardhë, duke thënë se mbesat e saj, "gjatë jetës së tyre, me siguri", do të shihnin një presidente femër.

E pyetur nëse do të ishte ajo, ajo tha "ndoshta", duke konfirmuar se po shqyrton një tjetër kandidim për këtë post të lartë.

Harris tha se ende nuk kishte marrë një vendim, por nënvizoi se ende e sheh veten si të ardhme në politikë.

"Nuk i kam dhënë fund ende. E kam jetuar gjithë karrierën time si një jetë shërbimi dhe kjo është pjesë e qenies sime”, deklaroi Harris./ CNA, përkthyer nga "BBC"





Lajmet e fundit nga