web counter
LEXO PA REKLAMA!

SHKARKO APP

App Store
Google Play

Zelensky në Britani: Rusia nuk duhet të ketë zgjidhje tjetër përveçse t'i japë fund luftës

24 Tetor 2025, 18:32, Kosova & Bota CNA

Zelensky në Britani: Rusia nuk duhet të ketë zgjidhje tjetër

Presidenti i Ukrainës, Volodymyr Zelensky ka marrë fjalën në konferencën e përbashkët për shtyp me kryeministrin e Britanisë së Madhe, Keir Starmer.

Zelensky në nisje të fjalës së tij falenderoi udhëheqësit e BE-së dhe Britanisë për mbështetjen dhe gatishmërinë e tyre për të vazhduar ndihmën e tyre ndaj Ukrainës.

“Sot, të gjithë partnerët konfirmuan se vitin e ardhshëm do të vazhdojnë të mbështesin Ukrainën, vendin tonë, qëndrueshmërinë tonë, veçanërisht mbështetjen financiare, e cila është thelbësore”, tha Zelensky.

Presidenti ukrainas tha më tej se Rusia po kryen një fushatë terrori kundër sistemit energjetik ukrainas për ta përdorur të ftohtin e dimrit si një mjet torture dhe presioni mbi Ukrainën dhe popullin e tyre.

Zelensky bëri thirrje për presion mbi Rusinë përmes sanksioneve dhe sekuestrimit të aseteve ruse. Ai falenderoi po ashtu presidentin amerikan, Donald Trump për sanksionet që ka shpallur ndaj kompanive ruse të naftës.

Presidenti ukrainas përsëriti gjithashtu edhe thirrjen për t'u pajisur me raketa amerikane me rreze të gjatë veprimi Tomahawk dhe falënderon Sir Keir Starmer për sigurimin e raketave Storm Shadow.

"Nuk duhet të ketë asnjë zgjidhje tjetër për Rusinë përveçse t'i japë fund luftës dhe të rikthejë paqen në vendin tonë", thotë ai. /CNA





Lajmet e fundit nga