web counter
LEXO PA REKLAMA!

SHKARKO APP

App Store
Google Play

Macron: Franca do t'i dorëzojë Ukrainës raketa "Aster" dhe avionë luftarakë "Mirage"

24 Tetor 2025, 21:35, Kosova & Bota CNA

Macron: Franca do t'i dorëzojë Ukrainës raketa

Franca do t’i dorëzojë Ukrainës raketa anti-ajrore "Aster" dhe avionë luftarakë "Mirage" në ditët në vijim. Lajmin e ka njoftuar Presidenti francez, Emmanuel Macron në një videokonferencë të aleatëve të Kievit. 

“Ne do të dorëzojmë në ditët në vijim raketa shtesë Aster, Mirage të reja dhe programe të reja trajnimi”, tha Macron, pa ndarë detaje të mëtejshme.

Deri më tani, Franca i ka dhënë Ukrainës tre nga gjashtë avionë luftarakë “Mirage 2000” që kishte premtuar, kryesisht për nevojat e trajnimit të pilotëve ukrainas. Njëri prej tyre u rrëzua në korrik.

Raketat Aster 15 dhe 30 po prodhohen në bashkëpunim me Italinë dhe operojnë me sistemin e mbrojtjes ajrore SAMP/T MAMBA, ekuivalenti italo-francez i sistemit amerikan PATRIOT. Të dy vendet evropiane u kanë dhënë një numër të paspecifikuar raketash ukrainasve, të cilët po kërkojnë më shumë për mbrojtjen e tyre.

"Është shumë e rëndësishme të vazhdojmë përpjekjet për të mbështetur Ukrainën dhe për të ushtruar presion mbi Rusinë", theksoi Macron para udhëheqësve të Aleancës së të Gatshmëve. Ky samit bashkëkryesohet nga Macron dhe kryeministri britanik Keir Starmer. /CNA





Lajmet e fundit nga