web counter
LEXO PA REKLAMA!

SHKARKO APP

App Store
Google Play

E fundit!

x

Putin: Operacioni ushtarak në Ukrainë e bëri Rusinë më të fortë

7 Shtator 2022, 17:33, Kosova & Bota CNA
Putin: Operacioni ushtarak në Ukrainë e bëri Rusinë më
Presidenti rus, Vladimir Putin

Presidenti rus, Vladimir Putin tha të mërkurën se vendi i tij nuk ka humbur asgjë nga operacioni ushtarak në Ukrainë dhe ka forcuar sovranitetin e Rusisë.

Duke folur në Forumin Ekonomik Lindor që po mbahet në Vladivostok, zoti Putin tha se të gjitha veprimet e Rusisë “kanë për qëllim të ndihmojnë njerëzit e rajonit të Donbasit”. Ai gjithashtu kritikoi marrëveshjen e ndërmjetësuar nga Kombet e Bashkuara dhe Turqia që rifilloi dërgesat e grurit ukrainas, duke thënë se eksportet kryesisht kanë përfunduar tek vendet perëndimore.

Presidenti rus ia hodhi të gjithë përgjegjësinë për krizën aktuale energjitike udhëheqësve evropianë, duke i fajësuar ata për mbylljen e tubacioneve të gazit dhe punën e ngadaltë të riparimit të tyre. Ai tha se furnizimet me gaz përmes tubacionit “Nord Stream 1”, që shtrihet nga Rusia në Gjermani, nuk ishte i mundur për shkak të defekteve.

Zoti Putin tha se gjiganti rus energjetik “Gazprom” u detyrua të nënshkruajë një kontratë afatgjatë mirëmbajtjeje me firmën Siemens në Mbretërinë e Bashkuar, por puna ka ngecur për shkak të sanksioneve të Mbretërisë së Bashkuar kundër Rusisë./ VOA





Lajmet e fundit nga