web counter
LEXO PA REKLAMA!

SHKARKO APP

App Store
Google Play

Boris Johnson largohet nga Downing Street/ Falënderon qenin e tij në fjalimin e lamtumirës

6 Shtator 2022, 12:26, Kosova & Bota CNA
Boris Johnson largohet nga Downing Street/ Falënderon qenin e tij në
Boris Johnson

Boris Johnson është larguar nga Downing Street për herë të fundit, teksa mbajti më herët fjalimin e tij të lamtumirës.

Në fjalimin e tij të lamtumirës, Johnson e përshkroi veten një “raketë përforcuese që ka përmbushur funksionin”.

 “Jam krenar që kam përmbushur premtimet që i kam bërë partisë sime, ju u treguat mjaft të mirë që më zgjodhët mua, duke fituar shumicën më të madhe që nga viti 1987, pjesën më të madhe të votave që nga viti 1979, duke siguruar Brexit, duke përmbushur angazhimet tona të manifestit,” – tha ai.

Johnson nuk harroi të falënderojë qenin dhe të ketë një mesazh për anëtarët e Partisë Konservatore.

“Unë u them shokëve të mi konservatorë se është koha që politika të përfundojë, dhe të dorëzohet për njerëzit e këtij vendi. Faleminderit të gjithëve që janë kujdesur për mua dhe familjen time gjatë 3 viteve të fundit, duke përfshirë qenin Dylan. Dhe unë thjesht do t’i thosha partisë sime se nëse Dylan dhe macja Larry mund t’i lënë pas vështirësitë e tyre të herëpashershme, atëherë po ashtu mund të bëjë edhe partia konservatore,” – u shpreh ish-kryeministri britanik.

Ai u bëri thirrje anëtarëve të partisë të qëndrojnë pas kryeministres Truss dhe t'u ofrojnë qytetarët atë çka kanë nevojë dhe meritojnë./CNA.al

 





Lajmet e fundit nga