LEXO PA REKLAMA!

SHKARKO APP

App Store
Google Play

E fundit!

x

Prej 9 ditësh të bllokuar në një tunel/ Shfaqet videoja e parë e punëtorëve indianë

21 Nëntor 2023, 14:41, Kosova & Bota CNA
Prej 9 ditësh të bllokuar në një tunel/ Shfaqet videoja e
Foto nga punëtorët indianë të bllokuar

Publikohen pamjet e 41 punëtorëve të bllokuar në një tunel në shtetin Uttarakhand të Indisë, pas 9 ditësh izolimi. Videoja u filmua duke përdorur një kamerë endoskopike që u fut brenda një tubi të ri të shpuar në tunel të hënën.

Ekipet e shpëtimit përdorën gjithashtu tubin për t'u dhënë punëtorëve vaktin e parë të nxehtë. 

Deri më tani, ata ushqeheshin me ushqime të dërguara përmes një tubi më të ngushtë të vendosur më parë, raporton "BBC".

Ngjarja ndodhi mëngjesin e 12 nëntorit në distriktin Uttarkashi të shtetit verior. Kontakti me burrat e bllokuar u vendos menjëherë dhe atyre u dërgohet edhe oksigjen.

Plani për shpërtimin e tyre është që të hapet një vrimë mjaft e gjerë për të akomoduar tuba të shumtë 900 mm për të krijuar një shteg përmes së cilës punëtorët mund të zvarriten nga tuneli.
Megjithatë, të hënën, zyrtarët thanë se po përpiqeshin të gërmonin dy tunele të tjera si rrugë shtesë shpëtimi./CNA

Lajmet e fundit nga