LEXO PA REKLAMA!

SHKARKO APP

Policia italiane përballet me keqbërësit, 15 persona tentuan të rrëmbenin anijen turke

10 Qershor 2023, 11:26, Kosova & Bota CNA

Policia italiane përballet me keqbërësit, 15 persona tentuan

Forcat speciale italiane kanë shpëtuar nga rrëmbimi një anije mallrash që lundronte nga Turqia në Francë.

Autoritetet italiane njoftojnë se rreth 15 persona të armatosur me thika tentuan të rrëmbenin anijen.

Anija, e projektuar për të transportuar automjete, me 22 anëtarë të ekuipazhit, u nis nga Topçular në Turqi më 7 qershor për në Sete në Francën jugore, tha për shtypin Ministria e Mbrojtjes e Italisë.

Kapiteni i anijes arriti të kërkonte ndihmë me radio, duke i dërguar një kërkesë urgjente Ankarasë, e cila më pas raportoi ngjarjen tek autoritetet italiane, pasi anija po lundronte 90 milje larg brigjeve italiane, shkruan The Guardian.

Pas një operacioni ushtarak gati shtatë-orësh, forcat speciale rifituan kontrollin e anijes, duke arrestuar rrëmbyesin, të cilët ishin, 13 burra dhe dy gra, kryesisht nga Siria, Afganistani dhe Iraku.

Anija e mallrave u ankorua përfundimisht jashtë portit të Napolit. 

 

 

Lajmet e fundit nga