web counter
LEXO PA REKLAMA!

SHKARKO APP

App Store
Google Play

Pezullim të vizave nga Franca, reagon Gërvalla: S’kemi pranuar asnjë vendim zyrtar

17 Tetor 2023, 16:02, Kosova & Bota CNA
Pezullim të vizave nga Franca, reagon Gërvalla: S’kemi pranuar
Donika Gëvalla

Ministria e Punëve të Jashtme të Kosovës, Donika Gërvalla ka reaguar në lidhje me deklaratat e presidentit të Francës, Emmanuel Macron për çështjen e vizave për Kosovën, ku theksoi se "duhet të jetë interpretuar gabimisht".

Në një përgjigje për Klankosova.tv, MPJ-ja tha se institucionet e Kosovës deri më tani nuk kanë pranuar asnjë vendim zyrtar për çështjen e liberalizimit të vizave.

“Vendimet për miratim, pezullim apo shtyrje të liberalizimit të vizave merren në nivel të Bashkimit Evropian, e jo të shteteve anëtare. Procedurat e tilla i kanë afatet e caktuara kohore dhe vendimet merren me shumicën e paraparë të votave”, thuhet në përgjigje. 

Më tej, MPJ-ja tha se nuk kanë asnjë informacion që një procedurë për shtyrje të liberalizimit të vizave të jetë nisur apo kërkuar nga shtetet anëtare.

Gjatë konferencës së përbashkët me kryeministrin Edi Rama, Macron u shpreh se Franca ka pezulluar procesin e vizave për Kosovën, pasi kjo e fundit nuk ka mbajtur fjalën. 

"Ne kemi bërë një propozim që është i fortë dhe i mirë dhe presin që të respektohet nga të gjitha palët. Përgjegjësi Vuçiç duhet të dënojë aktet e 24 shtatorit. Etapat e ardhshme dhe ajo çfarë presim është e thjeshtë, riorganizimi i zgjedhjeve në komunat në veri, pjesëmarrje të serbëve në zgjedhje dhe njohjen e Asociacionit të komunave serbe nga autoritetet kosovare. Ju kemi besuar për çështjen e vizave, është pezulluar nga Franca, pasi ka të bëjë me respektin e fjalës së dhënë. Fjala nuk po mbahet", u shpreh Macron./CNA

 

 





Lajmet e fundit nga