web counter
LEXO PA REKLAMA!

SHKARKO APP

App Store
Google Play

"I lumtur për Macron-in në Tiranë", Rama: Mos na lini në ankth për integrimin në BE, po bëjmë detyrat

17 Tetor 2023, 10:36, Politikë CNA

 

"I lumtur për Macron-in në Tiranë", Rama: Mos na lini

Mëngjesin e sotëm janë nënshkruar disa marrëveshje mes Shqipërisë dhe Francës. Në konferencën për shtyp kryeministri Edi Rama u shpreh se është i lumtur që ndodhet në krah të presidentit të Francës, Emmanuel Macron në Tiranë. 

"Sa herë unë gjendem në një situatë si kjo, e evitoj fjalën i lumtur që sugjeron Ministria e Jashtme të fjalimet e mia dhe them i kënaqur. Sot dëshiroj që të them me plot gojën që jam i lumtur që jam në krah të presidentit të Francës, jo në Paris, jo në Bruksel, por në Tiranë. Kjo vizitë është shumë më tepër sesa një vizitë formale, është një vizitë miqësore dhe është një vizitë angazhimi për ta thelluar më tej një marrëdhënie mes Francës dhe Shqipërisë", u shpreh Rama.

Kryeministri shqiptar përmendi edhe procesin e integrimit në BE për vendet e Ballkanit Perëndimor, ku theksoi se duhet të vijojnë procedurat dhe se vendet e Ballkanit Perëndimor po bëjnë detyrat. 

"T'u japim vendeve ë Ballkanit Perëndimor, mundësinë e Bashkimit me Evropën. Procesi i integrimit në këndvështrimin tij duhet të vazhdojë në meritën e çdo vendi, por nuk duhet lënë që të bëhet një arsye për ankth dhe pasiguri në raport me vendet tona. Zgjerimi i Bashkimit Evropian nuk duhet të pengojë ribashkimin e Evropës. Presidenti do të ndërtojë dy binarë të një treni, vendet do bëjnë detyrat e shtëpisë dhe BE-ja duhet të reformohet së brendshmi", tha më tej Rama. 







Lajmet e fundit nga