web counter
LEXO PA REKLAMA!

SHKARKO APP

App Store
Google Play

Hamasi publikoi videon e vajzës së rrëmbyer/ Apeli rrëqethës i nënës: I lutem botës të më kthejnë fëmijën

17 Tetor 2023, 12:49, Kosova & Bota CNA

Hamasi publikoi videon e vajzës së rrëmbyer/ Apeli

Gjatë orëve të para të së martës, Hamasi publikoi një video të një vajze 21-vjeçare izraelito-franceze, Maya Shem, e cila u mor peng nga militantët në festivalin muzikor Supernova në Izraelin jugor më 7 tetor. 

Familja e saj zhvilloi një konferencë shtypi në Tel Aviv, ku kanë kërkuar lirimin e menjëhershëm të saj.

Duke mbajtur një foto të Majës, nëna e saj Keren Shem tha: “Po i lutem botës që ta kthejë fëmijën tim në shtëpi. Ajo shkoi vetëm në një festë, në një festë festivali, për t'u argëtuar. Dhe tani ajo është në Gaza dhe nuk është e vetmja. Ka shumë fëmijë që kanë shkuar në këtë festë. Ka foshnja dhe fëmijë dhe të moshuar, të mbijetuar të Holokaustit, të cilët u rrëmbyen. Shtëpitë e tyre u dogjën. Ky është një krim kundër njerëzimit dhe ne të gjithë duhet të mblidhemi dhe të ndalojmë këtë terror dhe t'i kthejmë të gjithë në shtëpi".

Më herët, presidenti francez Emmanuel Macron kërkoi gjithashtu lirimin e Maya-s dhe dënoi Hamasin për postimin e videos së saj, duke thënë se ishte "një poshtërim të marrësh peng njerëz të pafajshëm dhe t'i ekspozosh në këtë mënyrë të urryer".

Ndërkohë luftimet vijojnë mes Izraelit dhe Hamasit.  Më shumë se 1,300 njerëz në Izrael janë vrarë nga Hamasi që nga 7 tetori dhe më shumë se 2700 viktima janë shënuar nga sulmet hakmarrëse izraelite në Gaza./CNA

 

 





Lajmet e fundit nga