web counter
LEXO PA REKLAMA!

SHKARKO APP

App Store
Google Play

E fundit!

x

Pas shpalljes së Rusisë shtet që sponsorizon terrorizmin/ Hakerat sulmojnë faqen e Parlamentit Evropian

23 Nëntor 2022, 18:20, Kosova & Bota CNA
Pas shpalljes së Rusisë shtet që sponsorizon terrorizmin/ Hakerat
Parlamenti Evropian

Faqja e Parlamentit Evropian ka rënë pre e një sulmi kibernetik, pasi u miratua një rezolutë që e quan Rusinë një "shtet sponsorizues të terrorizmit".

Agjencia franceze e lajmeve, AFP shkruan se sulmi mund të jetë bërë nga hakera pro-rusë.

Këtë e ka konfirmuar edhe presidentja e Parlamentit Evropian, Roberta Metsola.

"Parlamenti Evropian është nën një sulm të sofistikuar kibernetik. Një grup pro-Kremlinit ka marrë përgjegjësinë.

Ekspertët tanë të IT-së po i kundërvihen dhe po mbrojnë sistemet tona. Kjo, pasi ne e shpallëm Rusinë si shtet-sponsor të terrorizmit. Përgjigja ime: #SlavaUkraini (Lavdi Ukrainës)", shkruan Metsola në “Twitter”.

Nga ana tjetër, zëdhënësi Jaume Duch tha se faqja e internetit e parlamentit ishte shënjestruar nga një "sulm DDOS", duke ndërprerë rrjetin.

Ndërkohë, eurodeputeti gjerman, Rasmus Andresen u shpreh se: "Sulmi i sotëm ndaj sistemeve të Parlamentit Evropian është një goditje paralajmëruese. Është një sulm në zemrën demokratike të Evropës".

Ai deklaroi se "ne nuk e dimë ende" nëse sulmi ishte i lidhur me rezolutën për Rusinë, por këmbënguli se sistemet e parlamentit "nuk ishin të përgatitur sa duhet".

Presidenti i Ukrainës, Volodymyr Zelensky përshëndeti deklaratën e Parlamentit Evropian për Rusinë dhe bëri thirrje që Moska të "izolohet në të gjitha nivelet dhe të mbahet përgjegjëse"./ B.A. – CNA.al





Lajmet e fundit nga