LEXO PA REKLAMA!

SHKARKO APP

App Store
Google Play

E fundit!

x

Ndërprerja e energjisë elektirke/ Ukrainasit të shqetësuar për dimrin që i pret

23 Nëntor 2022, 18:20, Kosova & Bota CNA
Ndërprerja e energjisë elektirke/ Ukrainasit të shqetësuar
Foto ilustruese

Ukraina ka disa javë që po përjeton sulme në infrastrukturën kritike. Javën e kaluar, sulmet mbarëkombëtare në Ukrainë lanë rajone të tëra pa energji elektrike. Sulmet e sotme rinovojnë frikën se ky do të jetë një dimër i rrezikshëm për miliona ukrainas, të cilëve mund t'u duhet të përballen disa muaj me mot të ashpër dimëror pa ngrohje apo energji elektrike.

Javën e kaluar, bora e parë e vitit ra në Kiev, ku temperatura tani është rreth -3C dhe pritet të bjerë më tej gjatë ditëve në vijim.

Qeveria ukrainase ka paralajmëruar prej kohësh qytetarët se Rusia do të vazhdojë të synojë infrastrukturën energjetike duke patur parasysh se dimri në Ukrainë është vërtetë shumë i ashpër, shkruan BBC.

Ministri i Energjisë Herman Halushchenko tha se sulmi i fundit i Rusisë përpiqet të "shkaktojë dëmin maksimal në sistemin tonë energjetik në prag të dimrit".

Në tetor, zëvendëskryeministrja Iryna Vereshchuk u kërkoi refugjatëve ukrainas të mos kthehen deri në pranverë për të ndihmuar në lehtësimin e presionit mbi sistemin energjetik, duke thënë se me uljen e temperaturave, situata "vetëm do të përkeqësohej".

“Nëse është e mundur, qëndroni jashtë vendit për momentin”, tha ajo, duke shtuar: “Duhet të mbijetojmë dimrin”./ CNA.al

Lajmet e fundit nga