web counter
LEXO PA REKLAMA!

SHKARKO APP

App Store
Google Play

Paralajmëron Izraeli/ Lufta do të zgjasë me muaj, Hamasi nuk do të ekzistojë më

23 Tetor 2023, 08:25, Kosova & Bota CNA

Paralajmëron Izraeli/ Lufta do të zgjasë me muaj, Hamasi nuk do

Izraeli është i vendosur të mos e ndalojë luftën me Hamasin.

Ministri i Mbrojtjes i Izraelit, Yoav Gallant, tha se kundërsulmet e ushtrisë në Gaza mund të zgjasin me muaj, derisa të shuhet totalisht Hamasi.

Këtë paralajmërim Gallant e bëri pas një konference operacionale në Qendrën e Komandës dhe Kontrollit të Operacioneve të Forcave Ajrore Izraelite.

"Operacioni i ushtrisë mund të zgjasë një, dy ose tre muaj, por në fund nuk do të ketë më Hamas”, u shpreh ai, ndërsa theksoi se asgjë nuk mund t’i ndalë Forcat e Mbrojtjes së Izraelit.

“Për sa u përket aspekteve operacionale të manovrimit, në fund të ditës, asgjë nuk do ta ndalojë IDF-në (Forcat e Mbrojtjes së Izraelit).

Ky duhet të jetë operacioni ynë i fundit i manovrimit në Gaza, për arsyen e thjeshtë se më pas nuk do të ketë më Hamas”, vijoi ministri.

Gallant shprehu vlerësimin e tij për forcat ajrore dhe tha se faza tjetër, operacioni tokësor i shumëpritur, "do të vijë së shpejti"./ CNA





Lajmet e fundit nga