web counter
LEXO PA REKLAMA!

SHKARKO APP

App Store
Google Play

E fundit!

x

"Nuk është në interesin tim të debatoj me Trump"/ Papa Leoni XIV: Do të vazhdoj të predikoj paqen

18 Prill 2026, 20:50, Kosova & Bota CNA

"Nuk është në interesin tim të debatoj me Trump"/

Papa Leo XIV ka folur ditën e sotme lidhur me “replikat” e tij me Presidentin e SHBA-së Donald Trump mbi luftën e Iranit, ku tha se komentet e tij janë keqinterpretuar.

Në një prononcim për gazetarët në bordin e fluturimit të tij për në Angola, pjesa e tretë e turneut të tij 10-ditor në Afrikë, Ati i Shenjtë tha se një koment që bëri në Kamerun më herët këtë javë se bota po “shkatërrohej nga një grusht tiranësh” nuk i drejtohej Trumpit.

“Kjo u pa sikur po përpiqesha të debatoja me presidentin, gjë që nuk është aspak në interesin tim. Shumica e asaj që është shkruar që atëherë ka qenë më shumë koment mbi komentin, duke u përpjekur të interpretohet ajo që është thënë”, u tha Papa gazetarëve.

Nga ana tjetër, Kreu i Kishës Katolike Romake tha se do të vazhdonte të predikonte mesazhin e Ungjillit për paqe, pajtim dhe ndërtim urash dhe se nuk do të hezitonte të fliste kundër luftës. Papa u shpreh se fjalimi i tij në Kamerun ishte përgatitur dy javë më parë, shumë kohë përpara se Trump ta cilësonte si “të butë ndaj krimit dhe të tmerrshëm në politikën e jashtme”.

Ndërkohë, gjatë vizitës së tij në Angolë, Papa pritet të takohet me Presidentin Joao Lourenco përpara se t'u drejtohet udhëheqësve politikë të vendit të pasur me naftë.

Turneu i Papa Leonit në Afrikë filloi të hënën në Algjeri, dhe vijoi me Kamerunin. Pas Angolës, Papa do të shkojë në  Guinenë Ekuatoriale. Ky tur është një nga më intensivët të organizuar ndonjëherë për një Papë, me ndalesa në 11 qytete dhe qyteza në katër vende. /CNA





Lajmet e fundit nga