web counter
LEXO PA REKLAMA!

SHKARKO APP

App Store
Google Play

E fundit!

x

"Një ushtar francez është vrarë në Liban"/ Macron: Hezbollahu, i dyshuari kryesor i sulmit

18 Prill 2026, 15:55, Kosova & Bota CNA

"Një ushtar francez është vrarë në Liban"/

Presidenti i Francës, Emmanuel Macron, është shprehur se një ushtar francez, që shërbente si pjesë e forcës paqeruajtëse të Kombeve të Bashkuara në Liban, është vrarë ditën e sotme.

Në një postim në “X”, Macron tha se ushtari shërbente në Liban si pjesë e Forcës së Përkohshme të Kombeve të Bashkuara në Liban (UNIFIL), ndërkohë ka shtuar se tre ushtarë të tjerë u plagosën.

Sipas presidentit francez, gjithçka tregon se përgjegjësia për këtë sulm i takon Hezbollahut dhe kërkoi që autoritetet libaneze të arrestojnë menjëherë autorët.

UNIFIL tha në një deklaratë se patrulla e saj po pastronte municione shpërthyese përgjatë një rruge në fshatin Ghanduriyah në Libanin jugor kur "u vu nën zjarr me armë të vogla nga aktorë joshtetërorë". 

Kryeministri i Libanit, Nawaf Salam, e dënoi sulmin dhe urdhëroi hetim të menjëhershëm.

“Është e qartë se kjo sjellje e papërgjegjshme i shkakton dëme serioze Libanit dhe marrëdhënieve të tij me vendet e tij miqësore dhe mbështetëse anembanë botës”, shtoi ai.

Sulmi vjen mes një armëpushimi 10-ditor midis Izraelit dhe Libanit të njoftuar nga Presidenti i SHBA-së Donald Trump të enjten, pasi Izraeli dhe Libani zhvilluan bisedimet e tyre të para të drejtpërdrejta në dekada, këtë javë në Uashington, DC.

Ushtria izraelite akuzoi Hezbollahun për shkelje të armëpushimit më herët të shtunën, duke thënë se kishte identifikuar disa terroristë që po i afroheshin ushtarëve të saj dhe përbënin një kërcënim të menjëhershëm. /CNA





Lajmet e fundit nga