web counter
LEXO PA REKLAMA!

SHKARKO APP

App Store
Google Play

"Granata dore dhe pajisje ushtarake"/ Gjenden sërish armatime në Zubin Potok

18 Prill 2026, 19:37, Kosova & Bota CNA
"Granata dore dhe pajisje ushtarake"/ Gjenden sërish armatime
Pamje nga armatimet

Në dy vende në komunën e Zubin Potokut janë gjetur armatime. Ministri i Brendshëm i Kosovës, Xhelal Sveçla ka ndarë pamjet e armatikemeve në rrjetet sociale ndërsa thekson se vijon beteja kundër “celulave terroriste”.

Konkretisht bëhet me dije se janë gjetur armatime, granata dore dhe pajisje të tjera ushtarake. Ministri shprehet se aksioni nuk do të ndalet deri në çrrënjosjen totale të secilit element kriminal.

“Beteja kundër çdo celule terroriste nuk ndalet. Si dje, edhe sot. Sërish, në dy lokacione në komunën e Zubin Potokut u gjet armatim, granata dore dhe pajisje të tjera ushtarake. Nga kushtetutshmëria cep më cep, te kontrolli pëllëmbë për pëllëmbë. Nuk do të ndalemi deri në çrrënjosjen totale të secilit element kriminal”, thuhet në postimin e Sveçlës.

Më 16 prill, policia e Kosovës bastisje në veri, ku sekuestroi armatime të llojeve të ndryshme dhe municione. Policia njoftoi se bastisjet u kryen pas informacioneve të marra nga qytetetarët në fshatin Banovë dhe Prevllak të Zubin Potokut.

Në bastisjen e parë në një shtëpi të pabanuar u gjetën katër pushkë të llojeve të ndryshme, tri radiolidhje, një kamerë dhe 223 fishekë të ndryshëm, uniforma ushtarake si dhe pajisje për pastrimin e armëve. Në rastin e dytë, gjatë një kontrolle në një shtëpi, autoritetet gjetën një pushkë pa leje dhe 3 fishekë. /CNA





Lajmet e fundit nga