web counter
LEXO PA REKLAMA!

SHKARKO APP

App Store
Google Play

Mbi 6 milionë euro/ Spanja akuzon Shakirën për herë të dytë për evazion fiskal

26 Shtator 2023, 16:24, Kosova & Bota CNA
Mbi 6 milionë euro/ Spanja akuzon Shakirën për herë të
Shakira

Autoritetet spanjolle e akuzojnë për herë të dytë këngëtaren Shakira për evazion fiskal. 

Prokurorët spanjollë kanë akuzuar yllin e popit Shakira se nuk ka paguar 6.7 milionë euro tatim mbi të ardhurat e saj në vitin 2018.

Shakira dyshohet se ka përdorur një kompani offshore me bazë në një parajsë fiskale për të shmangur pagesën e taksës, thanë prokurorët e Barcelonës në një deklaratë. Ajo është njoftuar për akuzat në Miami, ku jeton aktualisht. 

Shakira do të gjykohet në Barcelonë më 20 nëntor në një çështje të veçantë që varet nga vendi ku ajo ka jetuar mes viteve 2012-14. 

Prokurorët në Barcelonë kanë pretenduar se fituesja e Grammy-t kaloi më shumë se gjysmën e periudhës 2012-14 në Spanjë dhe për këtë arsye duhej të kishte paguar taksat në vend, edhe pse rezidenca e saj zyrtare ishte në Bahamas.

Shakira, emri i plotë i së cilës është Shakira Isabel Mebarak Ripoll, ka qenë e lidhur me Spanjën që kur ajo filloi të takohej me futbollistin Gerard Pique. Çifti, i cili ka dy fëmijë, jetoi së bashku në Barcelonë deri vitin e kaluar, kur i dhanë fund lidhjes së tyre 11-vjeçare.







Lajmet e fundit nga