LEXO PA REKLAMA!

SHKARKO APP

150 eksplozivë dhe 235 karikatorë për kallashnikov/ Publikohet lista e armëve të agresorëve serbë

26 Shtator 2023, 08:35, Kosova & Bota CNA
150 eksplozivë dhe 235 karikatorë për kallashnikov/ Publikohet
Foto ilustruese

Policia e Kosovës ka prezantuar arsenalin e armëve të konfiskuara të agresorëve serbë që sulmuan në 24 shtator policinë e Kosovës, duke vrarë policin Afrim Bunjaku dhe duke plagosur dy efektivë të tjerë.

Lista e armatimeve është bërë publike në faqen zyrtare të Policisë së Kosovës, ku shihet se grupi ka qenë i furnizuar me armatime të rënda, nga armë të ndryshme e deri te predhat.

Gjatë konferencës së një dite më parë, policia ka prezantuar listën e armëve që janë konfiskuar.

Në listë shihen të renditura armët dhe sasia e tyre.

150 eksplozivë dhe 235 karikatorë për kallashnikov/ Publikohet

Nga automjete të llojeve të ndryshme, përfshirë të blinduara, qindra armë të llojeve dhe kalibrave të ndryshëm, uniforma dhe pajisje logjistike, përfshirë armë ushtarake të kalibrit të rëndë si granata, zolla, mitralozë, kallashnikov, granata dore, dronë, municion të kalibrave të ndryshëm, radiolidhje, telefona dhe kartela, mjete pune, harta dhe uniforma ushtarake, targa, dokumentacione të ndryshme  etj. etj.

Zyrtarët e policisë bënë me dije se për shkak të situatës së tensionuar dhe sulmit nga ana e agresorëve, në vetëmbrojtje janë detyruar të përdorin armët e zjarrit.

Kujtojmë se 4 prej agresorëve janë vrarë dhe disa të tjerë janë arrestuar./ CNA

 

 

Lajmet e fundit nga