web counter
LEXO PA REKLAMA!

SHKARKO APP

App Store
Google Play

Lufta në Ukrainë/ SHBA: Rusia ka kryer krime kundër njerëzimit

18 Shkurt 2023, 20:19, Kosova & Bota CNA
Lufta në Ukrainë/ SHBA: Rusia ka kryer krime kundër
Kamala Harris

Shtetet e Bashkuara kanë përcaktuar zyrtarisht se Rusia ka kryer krime kundër njerëzimit në Ukrainë.

Duke folur në Konferencën e Sigurisë në Mynih, zëvendëspresidentja e SHBA-së, Kamala Harris, akuzoi Rusinë për akte të tmerrshme të vrasjes, torturës, përdhunimit dhe dëbimit që nga nisja e pushtimit të saj.

Udhëheqësit botërorë në konferencë bënë thirrje për mbështetje afatgjatë të Ukrainës.

Kryeministri i Mbretërisë së Bashkuar Rishi Sunak tha se tani ishte koha për të "dyfishuar" mbështetjen ushtarake.

Kryeministri argumentoi se aleatët perëndimorë duhet të fillojnë të planifikojnë për sigurinë e ardhshme të Ukrainës, si dhe të dërgojnë armët që i nevojiten për të mbrojtur veten.

Harris tha në konferencë se autorët e krimeve të dyshuara ruse në Ukrainë duhet tëvihen para përgjegjësisë.

"Veprimet e tyre janë një sulm ndaj vlerave tona të përbashkëta dhe njerëzimit tonë," tha ajo.

OKB-ja i përkufizon krimet kundër njerëzimit si një "sulm i përhapur ose sistematik" ndaj një popullsie të caktuar civile.

Moska ka mohuar në mënyrë të përsëritur të ketë shënjestruar civilët gjatë pushtimit të saj./ CNA.al





Lajmet e fundit nga