web counter
LEXO PA REKLAMA!

SHKARKO APP

App Store
Google Play

"Lordi" i kokainës/ Dënohet me 45 vjet burgim trafikanti më i rrezikshëm i drogës në botë

9 Gusht 2023, 09:55, Kosova & Bota CNA

"Lordi" i kokainës/ Dënohet me 45 vjet burgim trafikanti

 

Të martën, "Lordi" famëkeq kolumbian i drogës Dairo Antonio Usuga David, i njohur si "Otoniel" është dënuar me 45 vjet burg për përfshirje në një bandë kriminale dhe si udhëheqës i organizatës paraushtarake dhe trafikut të drogës shumë miliarda dollarëshe të njohur si "Clan del". 

Usuga iu drejtua gjykatës dhe përsëriti se pranon "përgjegjësinë e tij për krimet e kryera" dhe u kërkoi falje të afërmve të viktimave, prindërve të tyre dhe qeverisë së SHBA-së dhe Kolumbisë për dëmin e shkaktuar.

“Mos merrni të njëjtën rrugë që mora unë. Konflikti i armatosur duhet të mbetet në të kaluarën. Armët duhet të mbeten në të kaluarën”, tha ai në një mesazh për të rinjtë kolumbianë të martën, raporton CNN.

Sipas Prokurores së Përgjithshme të SHBA-së, Merrick Garland, Dairo Antonio Usuga David drejtoi një nga organizatat më të mëdha të trafikut të kokainës në botë dhe bënte eksportimin e sasive masive të kokainës në Shtetet e Bashkuara. 

"Clan del Golfo" është një kartel i fuqishëm droge që kontrollon rrugët e kokainës në Meksikë dhe Shtetet e Bashkuara. Prokurorët federalë e përshkruan të martën grupin si një nga organizatat kriminale më të dhunshme dhe më të fuqishme në Kolumbi dhe një nga shpërndarësit më të mëdhenj të kokainës në botë.

"Usuga David shërbeu si një udhëheqës i rangut të lartë brenda bandës kriminale që nga fillimi i tij dhe ishte udhëheqësi kryesor i saj për rreth 10 vjet," thanë prokurorët në njoftimin për shtyp.

Usuga u kap në Kolumbi në tetor 2021, një sukses i atëhershëm i presidentit kolumbian Ivan Duque,i cili theksoi se ky ishte arrestimi më i madh i një trafikanti narkotikësh nga policia kolumbiane që nga koha e Pablo Escobar.

Më pas ai u ekstradua në Shtetet e Bashkuara të Amerikës./ CNA

 

 

 





Lajmet e fundit nga