web counter
LEXO PA REKLAMA!

SHKARKO APP

App Store
Google Play

Erdogan: Vendet e Perëndimit duhet ta mbajnë premtimin për marrëveshjen për drithërat

8 Gusht 2023, 22:54, Kosova & Bota CNA

Erdogan: Vendet e Perëndimit duhet ta mbajnë premtimin për

Presidenti i Turqisë, Recep Tayyip Erdogan, ka thënë të martën vonë se ringjallja e marrëveshjes me Rusinë për lejimin e eksportimit të drithërave ukrainase, varet nga Perëndimi.

Ai u bëri thirrje vendeve të Perëndimit që t’i mbajnë “premtimet e tyre”.

“Mendoj se zgjidhja mund të gjendet”, tha Erdogani më 8 gusht, duke iu referuar një bisede të mëparshme telefonike me presidentin e Rusisë, Vladimir Putin, i cili nuk pranoi ta vazhdonte marrëveshjen.

Erdogani luajti rol kyç në ndërmjetësimin e marrëveshjes tashmë të prishur për eksportimin e sigurt të drithërave ukrainase përmes Detit të Zi, dhe e ka pozicionuar veten si ndërmjetësues në konflikt.

Marrëveshja, e ndërmjetësuar nga Ankaraja dhe Kombet e Bashkuara në korrik 2022, përfundoi muajin e kaluar pasi Moska refuzoi ta rinovojë atë.

Muajin e kaluar, gjatë një konference të përbashkët për shtyp me presidentin ukrainas Volodymyr Zelensky, Erdogan njoftoi se Putin do të vizitonte Turqinë në gusht.

Por Moska u mërzit kur Zelensky u kthye nga Stambolli me pesë komandantë të lartë nga regjimenti Azov i Ukrainës, të cilët supozohej se kishin qëndruar në Turqi deri në fund të konfliktit sipas një marrëveshjeje të shkëmbimit të të burgosurve me Moskën.

Zëdhënësi i Kremlinit Dmitry Peskov tha në atë kohë se ishte "një shkelje e drejtpërdrejtë" e marrëveshjes me Turqinë./CNA





Lajmet e fundit nga