web counter
LEXO PA REKLAMA!

SHKARKO APP

App Store
Google Play

E fundit!

x

Kurti thirrje BE-së dhe SHBA-së: Gjykatë Speciale për Klanin e Novi Sadit, të goditet mafia ballkanike

23 Tetor 2023, 10:44, Kosova & Bota CNA
Kurti thirrje BE-së dhe SHBA-së: Gjykatë Speciale për Klanin
Albin Kurti

Kryeministri i Kosovës, Albin Kurti, shprehet se sulmin terrorist në Banjskë më 24 shtator e ka organizuar Klani i Novi Sadit. Sipas Kurtit në krye të këtij sulmi është ministri i Mbrojtjes së Serbisë, Millosh Vuçeviç. 

"Klani i Novi Sadit. Sulmin paramilitar e terrorist në Banjskë të Zveçanit e ka organizuar Klani i Novi Sadit. Në krye të tij ndodhet ministri i Mbrojtjes së Serbisë, Millosh Vuçeviç. Ai është kryetari i partisë-shtet SNS, tri herë i zgjedhur kryebashkiak i Novi Sadit me ndihmën e Zvonko Veselinoviqit, dhe miku më i afërt i vëllaut të Presidentit të Serbisë, Andrej Vuçiç", u shpreh Kurti. 

Ai shtoi se rreth 40 pelegrinë ortodoksë në Manastir të Banjskës me 24 shtator ishin nga Novi Sadi. Kreu i qeverisë së Kosovës shtoi më tej se mafia ballkanike do të përjetonte goditje fatale nëse BE-ja dhe SHBA-ja do të foromojë një Gjykatë Speciale për të goditur ata. 

"Ndoshta e rastësishme, hetimet duhet ta tregojnë. Grupi terrorist në arrati i udhëhequr nga Millan Radoiçiç po qëndron në Rashkë. Atyre MUP-i famëkeq serb u ka ndarë vetura të tipit 'Skoda Oktavia' me ngjyrë të bardhë dhe të zezë e me tabela regjistrimi BG dhe… NS. Para dy dekadave në Serbi sundonte Klani i Zemunit, kurse tash vendin atij ia ka zënë Klani i Novi Sadit. Kriminelë në luftë, kriminelë në paqe; kriminelë në Serbi, kriminelë në Kosovë. Presidenti i shtetit, Aleksandar Vuçiç, porsi një 'capo-di-tutti-capi', ndodhet aty për të dëshmuar që ndonëse krimi e dikton shtetin, në fakt, është shteti që e dikton krimin. Në katër komunat veriore të Kosovës po merr fund terrori, kriminaliteti dhe kultura e dhunës e paramilitarëve të Delije (tifozët e Cërvena Zvezdës) që shprehet me nofkat e ekstremistëve si: Mami, Llune, Daco, Rusi, Nemac, Gile, Drago, Aco, Comi, Belli, Micko, Prki, Mrki etj. Mirëpo, Kosova nuk ka juridiksion në Serbi. A nuk do të duhej që BE-ja dhe SHBA-ja ta formojnë një Gjykatë Speciale për Klanin e Novi Sadit? Mafia ballkanike do të përjetonte goditje fatale, ndërkaq rajoni i Ballkanit do të hapej i tëri për demokraci evropiane, drejtësi ligjore, paqe të qëndrueshme dhe zhvillim të përshpejtuar", shprehet Kurti./CNA





Lajmet e fundit nga