LEXO PA REKLAMA!

SHKARKO APP

Kurti i kujton Vuçiçit avionët luftarakë dhe ambasadorin rus në kufi/ “Donit të na frikësonit”

26 Shtator 2023, 19:26, Kosova & Bota CNA
Kurti i kujton Vuçiçit avionët luftarakë dhe ambasadorin
Kryeministri i Kosovës, Albin Kurti

Kryeministri i Kosovës, Albin Kurti, ka reaguar sërish për situatën e tensionuar me Serbinë, për shkak të grupit të armatosur që ka hyrë prej dy ditësh në veriun e Kosovës.

Me anë të një statusi në rrjetet sociale, Kurti kujton avionët luftarakë MiG-29 dhe Ambasadorin e Rusisë që shkuan dy vite më parë në kufirin me Kosovën.

Ai deklaron se ky veprim u bë qëllimisht nga presidenti serb për të ngjallur frikë dhe që atëherë nuk kanë ndalur tensionet.

Kreu i qeverisë së Kosovës shprehet se qeveria e tij nuk do të ndalë angazhimin për të mbrojtur demokracinë.

“Dy vjet më parë, Serbia dërgoi avionë luftarakë MiG-29 dhe Ambasadorin e Rusisë në kufirin tonë për të na frikësuar. Që atëherë, dhuna dhe agresioni i tyre është intensifikuar. Por ne mbetemi të vendosur në angazhimin tonë për të mbrojtur demokracinë dhe sundimin e ligjit në të gjithë Republikën e Kosovës”, nënvizon Kurti./ CNA

Lajmet e fundit nga