web counter
LEXO PA REKLAMA!

SHKARKO APP

App Store
Google Play

“Kufomat e alienëve” para kongresmenëve në Meksikë, eksperti: Janë mbi 1 mijë vjeçare

15 Shtator 2023, 09:13, Kosova & Bota CNA

“Kufomat e alienëve” para kongresmenëve në

Trupat e fosilizuara të paraqitura në kuti xhami nga gazetari dhe shkencëtari i UFO-ve Jaime Maussan në parlamentin e Meksikës thuhet se janë 1000 vjeçare, raporton Euronews. 

Trupat e dy qenieve të supozuara "aliene" u ekspozuan para politikanëve në një seancë speciale të Kongresit Meksikan të mërkurën.

Trupat e fosilizuar, të paraqitura nga gazetari dhe shkencëtari i vetëshpallur i UFO-ve, Jaime Maussan dhe të ekspozuara në kuti xhami, u morën nga Cusco në Peru. 

"Këta ekzemplarë nuk janë pjesë e evolucionit të botës sonë. Ata u gjetën të fosilizuar në një minierë" tha Maussan, teksa u betua.

Maussen tha se mostrat u analizuan nga Universiteti Kombëtar Autonom i Meksikës (UNAM) dhe shkencëtarët arritën të merrnin mostra të ADN-së nga ekzemplarët teksa përdorën testimin e radiokarbonit për të përcaktuar moshën e tyre.

"Ne nuk jemi vetëm në universin e gjerë, ne duhet ta pranojmë këtë realitet," tha Maussan, i cili argumentoi se publiku ka të drejtë të mësojë për qeniet dhe teknologjitë jo-njerëzore.

“Kufomat e alienëve” para kongresmenëve në
Maussen u shoqërua në seancë nga ish-piloti amerikan Ryan Graves dhe Avi Loeb, profesor i astrofizikës në Universitetin e Harvardit. Graves gjithashtu paraqiti prova në një seancë dëgjimore në Kongresin e SHBA në korrik.

Tashmë në qarqet shkencore dhe politike pranohet përgjithësisht se ka dukuri të pazakonta që nuk mund të identifikohen, por ende ka mosmarrëveshje të thella për origjinën e tyre./CNA

 





Lajmet e fundit nga