web counter
LEXO PA REKLAMA!

SHKARKO APP

App Store
Google Play

Kryeministri grek: Greqia nuk ndërron qëndrim, s’e pranojmë Kosovën

12 Shkurt 2024, 12:21, Kosova & Bota CNA
Kryeministri grek: Greqia nuk ndërron qëndrim, s’e pranojmë
Kyriakos Mitsotakis dhe Aleksandër Vuçiç

Kryeministri i Greqisë, Kyriakos Mitsotakis, është shprehur i prerë në qëndrimin e tij ndaj Kosovës, gjatë një takimi me presidentin serb, Aleksandër Vuçiç. 

Nga Beogradi, ku po qëndron në një vizitë zyrtare, ku u prit nga presidenti serb, shefi i qeverisë greke theksoi se dialogu siç e quan ai mes Prishtinës dhe Beogradit, ishte temë diskutimi.

“Presidenti Vuçiç më njoftoi për dialogun me Prishtinën. Ju e dini që qëndrimi ynë në lidhje me Kosovën mbetet i pandryshuar, dhe ne besojmë se ndërmjetësimi evropian dhe dialogu janë rruga e vetme për normalizimin e marrëdhënieve në mes dy palëve. Kjo, do të ndihmonte në mënyrë të konsiderueshme stabilitetin në rajon që është qëllimi për të gjithë ne", theksoi Mitsotakis.

Mitsotakis shtoi se “me shqetësim po i përcjellim zhvillimet e muajve të fundit”. Kurse shtoi se integrimi i krejt Ballkanit Perëndimor në BE, është synim strategjik i republikës helene. 

Greqia, bashkë me Spanjën, Qipron, Rumaninë, e Sllovakinë përbëjnë pesëshen e shteteve anëtare të Bashkimit Evropian, që nuk e njohin pavarësinë e Kosovës./CNA 





Lajmet e fundit nga