LEXO PA REKLAMA!

SHKARKO APP

Incesti në Poloni/ Gruaja e dinte që burri abuzonte me vajzat, por nuk mundi ta ndalonte

20 Shtator 2023, 13:51, Kosova & Bota CNA
Incesti në Poloni/ Gruaja e dinte që burri abuzonte me vajzat, por nuk
Piotr Gierasik, 54 vjeç

Detaje të reja kanë dalë në pah nga ngjarja horror e bërë publike në Poloni ku një burrë ka kryer incest me vajzat e tij.

Piotr Gierasik, 54 vjeç, thuhet se ka abuzuar ndaj gruas së tij Hanna para vdekjes së saj të papritur në moshën 38-vjeçare pothuajse 15 vjet më parë.

Fqinjët kanë thënë për mediat e huaja se nëna përpara se të vdiste zbuloi ngjarjen e tmerrshme, por nuk mundi të bënte asgjë.

Vdekja e saj e parakohshme shërbeu vetëm për të rritur abuzimin e tij të pështirë kur ai mbeti të rriste vetëm fëmijët e tij në shtëpinë e izoluar dhe të shkatërruar të familjes në fshatin Czerniki, Polonia veriore.

Madje 8 vite më parë Piotr është denoncuar në polici nga fqinjët nën dyshimet se ai kryente marrëdhënie seksuale me njërën nga vajzat e tij.

Në atë kohë nisi një hetim, por vajza mohoi të kishte ndodhur diçka dhe ai u lirua.

E vërteta e tmerrshme për shtëpinë e tij të tmerrit të incestit më në fund doli të premten kur policia gjeti eshtrat e dy prej foshnjave të tij të varrosura në bodrumin e tij.

Mbetjet e një foshnjeje të tretë të porsalindur, që besohet se ka vdekur disa vite më parë dhe thuhet se ishte në një 'fazë të avancuar dekompozimi', u gjetën në të njëjtin vend.

Një banore që kërkoi të mos përmendet i tha "MailOnline" se si tani ishte e bindur se Piotr i papunë ishte përgjegjës për vdekjen e gruas së tij.

Një tjetër banore tha për gazetën "Fakt" se ishte gjithashtu e bindur se Hanna e kishte marrë vesh për abuzimin e tij seksual dhe ndihej e pafuqishme për ta ndaluar atë.

Babë e bijë, Piotr Gierasik, 54 vjeç dhe Paulina Gierasik, 20 vjeçe janë vënë në prangat e policisë pas zbulimit të ngjarjes në fjalë.

Paulina Gierasik është akuzuar për vrasje dhe për marrëdhënie incesti me babain e saj.

Ndërsa Piotrit u akuzua për tri akuza për vrasje, një akuzë për incest me vajzën e tij 20-vjeçare dhe një akuzë për lidhje incesti me një vajzë tjetër”./ CNA

Incesti në Poloni/ Gruaja e dinte që burri abuzonte me vajzat, por nuk
Hanna Gierasik, gruaja e Piotr
Incesti në Poloni/ Gruaja e dinte që burri abuzonte me vajzat, por nuk
Paulina Gierasik, 20 vjeç

Lajmet e fundit nga