web counter
LEXO PA REKLAMA!

SHKARKO APP

App Store
Google Play

Ku u ngarkuan në kamion 300 kilogramë kanabis që kaluan nga Shqipëria në Mal të zi?

20 Shtator 2023, 13:25, Kosova & Bota CNA

Ku u ngarkuan në kamion 300 kilogramë kanabis që kaluan nga

Policia ka zbuluar detaje të reja pas arrestimit të dy personave babë e bir, të cilët u kapën me 300 kilogramë kanabis në Mal të Zi.

Droga rezultoi se ishte futur nga Shqipëria.

Në Portin e Durrësit është futur në skaner një tjetër mjet, i cili ka rezultuar i pastër, pasi brenda tij nuk kishte lëndë narkotike.

Pasi kamioni është larguar nga Durrësi i pastër, dyshohet se babë e bir, Ilirjan e Kristi Orhan, i kanë marrë targat e mjetit që iu nënshtrua skanerit dhe i kanë vendosur në një kamion tjetër, pikërisht në mjetin që u kap me kanabis në pikën kufitare të Hanit të Hotit.

Hetuesit kanë dyshime se droga mund të jetë ngarkuar në periferi të Tiranë ose në Durrës.

Si ndodhi ngjarja:

Babë e bir më 17 shtator janë kapur në doganën e Malit të Zi teksa përpiqeshin të kalonin 300 kg lëndë narkotike cannabis sativa.

Gjatë natës, në doganën e Malit të Zi, është bllokuar një kamion tip “Renault”, i drejtuar nga shtetasi K. O. që shoqërohej nga babai i tij, shtetasi I. O., të dy banues në Durrës.

Gjatë kontrollit në kamionin e ngarkuar me dërrasa dhe me paleta, që kishte destinacion Austrinë, autoritetet doganore të Malit të Zi, gjatë kontrollit të detajuar, kanë gjetur një sasi rreth 300 kg lëndë narkotike cannabis sativa.

Policia shqiptare, në bashkëpunim me Prokurorinë, si dhe me autoritetet policore dhe ato doganore malazeze, po kryejnë veprime të përbashkëta hetimore, për dokumentimin e kësaj veprimtarie kriminale./ CNA





Lajmet e fundit nga