E fundit!

09:08 Aktualitet

Krimi që ka ndodhur me protestën

Qytetarët kanë të drejtë të protestojnë, rinia. Për Zvërne...

“Çfarëdo që të duash, Donald, vetëm mos ia trego botës”/ Trump tallet me Macron-in për tarifat e barnave

7 Janar 2026, 15:57, Kosova & Bota CNA

“Çfarëdo që të duash, Donald, vetëm mos ia

Presidenti i Shteteve të Bashkuara të Amerikës, Donald Trump, ka bërë komente sarkastike me homologun e tij francez, Emmanuel Macron, gjatë një deklarate para ligjvënësve republikanë.

Trump tha se i kërkoi Macron-it të rriste çmimet e barnave me recetë, duke argumentuar se amerikanët paguajnë deri në 14 herë më shumë se francezët, një kërkesë që sipas tij, u refuzua fillimisht nga presidenti francez.

Më pas tha se kishte lëshuar një ultimatum, duke paralajmëruar se nëse Franca nuk i pranonte kërkesat amerikane, do të vendoseshin tarifa prej 25% për të gjitha produktet franceze, përfshirë shampanjën dhe verën. Siç pretendoi ai, ky kërcënim e shtyu presidentin francez të tërhiqej.

Presidenti amerikan gjatë fjalës së tij imitoi zërin e Macron-it, duke thënë se ai ishte përgjigjur se e pranonte marrëveshjen dhe ishte gati të rriste ndjeshëm çmimet e barnave, duke kërkuar vetëm që çështja të mos bëhej publike.

"Donald, kemi një marrëveshje. Do t’i rris çmimet e barnave me recetë me 200% ose çfarëdo qoftë. Çfarëdo që të duash, Donald, vetëm mos ia trego botës, të lutem", thuhet se i tha Macron Trump-it.

"Të gjitha vendet thonë të njëjtën gjë", shtoi presidenti amerikan.

Trump mocks Macron:

Emmanuel said to me: “Donalddd, you have a deal. I would like to increase my prescription drug prices by 200% or whatever. Whatever you want, Donald, please don’t tell the population, I beg you.”

Every country said the same thing. pic.twitter.com/hrAXWkKDD3
— Clash Report (@clashreport) January 6, 2026

Sipas Trump, tarifat që ai kërcënoi t'i vendoste Francës do të kushtonin shumë herë më shumë sesa rritja e çmimeve të barnave.

Deri më tani, as Macron dhe as qeveria franceze nuk kanë reaguar ndaj këtyre deklaratave. Trump pohoi gjithashtu se në diskutime të ngjashme me vendet e tjera, udhëheqësit ranë dakord të rrisnin çmimet e ilaçeve të tyre brenda pak minutash pasi u kërcënuan me tarifa. /CNA