web counter
LEXO PA REKLAMA!

SHKARKO APP

App Store
Google Play

E fundit!

x

Pak ditë pas arrestimit të Maduros/ Uashingtoni dhe Karakasi diskutojnë eksportimin e naftës venezueliane në SHBA

6 Janar 2026, 22:24, Kosova & Bota CNA

Pak ditë pas arrestimit të Maduros/ Uashingtoni dhe Karakasi

Vetëm disa ditë pas operacionit për kapjen e Nicolas Maduros dhe transferimin e tij në Shtetet e Bashkuara për t'u gjykuar për akuzat e trafikimit të drogës, zyrtarët venezuelianë dhe amerikanë janë në bisedime për të eksportuar naftë bruto venezueliane në Shtetet e Bashkuara.

Reuters ka raportuar se sipas pesë burimeve të njohura me çështjen rafineritë amerikane në Gjirin e Meksikës mund të përpunojnë naftë të rëndë bruto nga Venezuela. Ato importonin rreth 500,000 fuçi në ditë përpara se Uashingtoni të vendoste sanksione për energjinë.

Venezuela ka miliona fuçi naftë në cisterna dhe rezervuarë magazinimi që nuk ka qenë në gjendje t'ua transportojë blerësve për shkak të bllokadës së vendosur nga Donald Trump në mesin e dhjetorit.

Kompania shtetërore e naftës e Venezuelës "PDVSA" është detyruar tashmë të ulë prodhimin për shkak të embargos, pasi i mbaron hapësira e magazinimit për naftën. Nëse "PDVSA" nuk mund të gjejë një mënyrë për të eksportuar naftë, do të duhet ta ulë prodhimin edhe më tej.

Një marrëveshje për të shitur këtë naftë të papërpunuar "të bllokuar" në rafineritë në Shtetet e Bashkuara do ta largonte atë nga Kina, e cila ka qenë blerësi më i madh i Venezuelës gjatë dekadës së fundit dhe veçanërisht që nga viti 2020 kur SHBA-të vendosën sanksione ndaj kompanive të përfshira në tregtinë e naftës me Venezuelën.

Nuk ishte menjëherë e qartë se si "PDVSA", e cila është nën sanksione, do të fitonte të ardhura nga shitjet e naftës. Shtëpia e Bardhë, zyrtarët e qeverisë venezueliane dhe "PDVSA" nuk kanë bërë asnjë koment lidhur me ngjarjen. /CNA





Lajmet e fundit nga