web counter
LEXO PA REKLAMA!

SHKARKO APP

App Store
Google Play

E fundit!

x

Boris Johnson ngre pretendimet e forta/ Putin kërcënoi me sulm me raketa

30 Janar 2023, 17:26, Kosova & Bota CNA

Boris Johnson ngre pretendimet e forta/ Putin kërcënoi me sulm me

Në një dokumentar të ri të rrjetit BBC, ish-kryeministri britanik Boris Johnson thotë se presidenti rus Vladimir Putin e kishte kërcënuar Britaninë me një sulm me raketa. Zoti Johnson thotë se biseda telefonike u zhvillua në prag të agresionit në Ukrainë nga Moska në shkurt të vitit të kaluar.

Zoti Johnson kujton udhëheqësin rus të ketë thënë: "Do të duhej vetëm një minutë...dhe gëzuar ".

Zoti Johnson, megjithatë, tha se ai nuk e mori seriozisht kërcënimin në telefonatën e tyre "të jashtëzakonshme". "Ishte thjesht në vazhdën e bisedës ku unë po përpiqesha ta bindja të negocionte," tha zoti Johnson për presidentin Putin.

"Është një gënjeshtër," u tha gazetarëve një zëdhënës i Kremlinit për interpretimin e bisedës telefonike nga zoti Johnson. "Nuk ka pasur kërcënime me raketa".

Ish kryeministri Johnson gjithashtu i tha BBC-së se ai u përpoq ta bindte zotin Putin të mos fillonte luftë, duke i thënë atij se Ukraina nuk do t'i bashkohej NATO-s në një "të ardhme të parashikueshme". Zoti Johnson tha gjithashtu se i tha udhëheqësit rus se një pushtim i Ukrainës do të çonte në sanksione perëndimore.

Zoti Johnson, i cili dha dorëheqjen vitin e kaluar pas një sërë skandalesh, u përpoq ta poziciononte Londrën si aleatin kryesor të Ukrainës në Perëndim.

Ndërsa ishte në detyrë, ai vizitoi disa herë Kievin dhe telefonoi shpesh presidentin ukrainas Volodymyr Zelenskyy./ VOA





Lajmet e fundit nga