LEXO PA REKLAMA!

SHKARKO APP

12-vjeçari qëllon shokët e klasës me armë, plagos 3 prej tyre

2 Prill 2024, 17:10, Kosova & Bota CNA
12-vjeçari qëllon shokët e klasës me armë, plagos 3
Foto nga vendi i ngjarjes

Mëngjesin e sotëm, një 12-vjeçar qëlloi dhe plagosi tre shokë të klasës në qytetin Wanda të Finlandës.

Mediat finlandeze raportojnë se për momentin autoritetet nuk do të komentojnë më tej sesi ndodhi incidenti i përgjakshëm, apo sesi 12-vjeçari mori armën.

Policia gjithashtu nuk jep detaje të tjera, por mësohet se të plagosurit janë dërguar në spital.

Shkolla ku ndodhi ngjarja e rëndë ka rreth 800 nxënës.

Më herët policia u kishte kërkuar kalimtarëve që të mos i afroheshin zonës, dhe banorëve të qëndronin brenda dhe të mos hapnin derën për të panjohurit.

Një dëshmitar okular u tha mediave, se ai ishte duke punuar aty pranë. Sipas tij, një e shtënë është dëgjuar pak pas orës 09:00.

“Nuk mund ta bëja lidhjen me një të shtënë. Pastaj pati një britmë të tmerrshme dhe disa fëmijë vrapuan në oborr. U deshën një ose dy minuta që disa makina policie dhe një ambulancë të futeshin në oborr,” tha dëshmitari./ CNA

Lajmet e fundit nga