web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e civilëve në Gaza, Netanyahu pranon fajin: Këto gjëra ndodhin në kohë lufte

2 Prill 2024, 16:46, Kosova & Bota CNA
Vrasja e civilëve në Gaza, Netanyahu pranon fajin: Këto
Pamje nga sulmi në Gaza

Kryeministri izraelit, Benjamin Netanyahu foli sot në lidhje me vdekjen e shtatë punonjësve të organizatës humanitare "World Central Kitchen" (WCK), në Gaza.

“Kur jeni në luftë, këto gjëra ndodhin”, u shpreh Netanyahu.

Tre shtetas britanikë ishin në mesin e të vrarëve, së bashku me punëtorë australianë, polakë, palestinezë dhe një shtetas të dyfishtë amerikano-kanadez.

Të vrarët besohet të jenë nga Britania e Madhe, Australia, Polonia dhe Palestina, si dhe një shtetas amerikano-kanadez. Në një deklaratë, WCK tha: "Megjithë lëvizjet koordinuese me ushtrinë izraelite, autokolona u godit ndërsa po dilte nga magazina Deir al-Balah , ku grupi kishte shkarkuar më shumë se 100 ton ndihma ushqimore humanitare të sjellë në Gaza nga deti". 

Erin Gore, shefi ekzekutiv i WCK, shprehu zemërimin e tij kur u tha për viktimat, duke pretenduar se ishte një sulm ndaj "organizatave humanitare që shfaqen në situatat më të rënda ku ushqimi përdoret si armë lufte".

Në një video-mesazh të publikuar sot, kryeministri izraelit nuk e humbi durimin, duke thënë: “Për fat të keq, në 24 orët e fundit ka pasur një rast tragjik të forcave tona të goditura pa dashje njerëz të pafajshëm në Rripin e Gazës. Kjo është ajo që ndodh në kohë lufte. Ne jemi duke e shqyrtuar çështjen tërësisht, jemi në kontakt me qeveritë dhe do të bëjmë gjithçka që mundemi për të siguruar që kjo të mos ndodhë më”./ CNA





Lajmet e fundit nga