web counter
LEXO PA REKLAMA!

SHKARKO APP

App Store
Google Play

Yuri Kim takon Belinda Ballukun/ Zbardhet takimi, çfarë diskutuan

2022-07-29 16:43:00, Politikë CNA
Yuri Kim takon Belinda Ballukun/ Zbardhet takimi, çfarë diskutuan
Ambasadorja e SHBA në Tiranë, Yuri Kim, me zv.kryeministren dhe ministren e Infrastrukturës, Belinda Balluku

Ambasadorja e SHBA në Tiranë, Yuri Kim, ka takuar sot zv.kryeministren dhe ministren e Infrastrukturës, Belinda Balluku.

Lajmin e ka bërë të ditur vetë ambasadorja amerikane, e cila me anë të një statusi në rrjetet sociale tregon se ka uruar Ballukun për detyrën e re.

Gjithashtu, ajo tregon se tema bisedimi kanë qenë forcimi i bashkëpunimit, sulmi kibernetik dhe korrupsioni.

“Takova sot Belinda Ballukun për ta uruar për portofolin shtesë si zëvendëskryeministre. Ne presim me padurim forcimin e bashkëpunimit në të gjitha frontet, duke përfshirë përgjigjen ndaj sfidave ndaj sigurisë së ushqimit dhe energjisë në shkallë globale të shkaktuar nga lufta e pajustifikuar e Rusisë kundër Ukrainës.

Ne gjithashtu konfirmuam bashkëpunim e fortë në lidhje me sulmin e fundit kibernetik kundër Shqipërisë. Ekspertët amerikanë nga agjenci të ndryshme po mbështesin përpjekjet e Shqipërisë për të kryer një ekspertizë ligjore të plotë; rritjen e sigurisë kibernetike për të mbrojtur qeverinë dhe qytetarët dhe parandalimin e përsëritjes.

Theksova rëndësinë e hapave më konkretë për të çrrënjosur korrupsionin, për t'u siguruar që zyrtarët të veprojnë sipas standardeve më të larta dhe të zbatojnë reformën në drejtësi. Siç Biden e ka bërë të qartë, SHBA e sheh korrupsionin si një kërcënim për sigurinë kombëtare dhe ne do të ndërmarrim veprime në përputhje me rrethanat”, shkruan Yuri Kim./ B.A. - CNA.al





Lajmet e fundit nga