web counter
LEXO PA REKLAMA!

SHKARKO APP

App Store
Google Play

Bushati i shqetësuar për Metën/ Nëse është vërtet spiun, Rama duhet të japë dorëheqjen

2022-07-28 22:51:00, Politikë CNA
Bushati i shqetësuar për Metën/ Nëse është
Analisti Andi Bushati

Analisti Andi Bushati, ka komentuar mbrëmjen e sotme kërkesën e Autoritetit të Dosjeve për Kuvendin e Shqipërisë lidhur me agjentin e ish-Sigurimit me inicialet I.M..

Bushati tha se ndihet i shqetësuar për çështjen e hapjes së dosjes së Ilir Metës, ndërsa theksoi se ne jemi shoqëri e padrejtë që tallemi me spiunët.

Ai deklaroi në emisionin “Open” se nëse ish-presidenti ka qenë spiun me të vërtetë, kryeministri Edi Rama duhet të japë dorëheqjen që ka ardhur në pushtet me votat e tij.

“Mua po më pyete për çështjen e shoqërinë, unë me të vërtetë mund të jem kritik për ata që i quajmë në zhargon spiun. Por ne jemi shoqëri e padrejtë se tallemi me spiunët, por nuk kemi arritur t’i denoncojmë ata që i kanë detyruar ata që të bëhen spiunë. Ne ruajmë akoma figura politike i kemi dhe heronj të drejtësisë të shpallur nga Amerika spiunët.

Pse më shqetëson mua çështja e hapjes së dosjes së Ilir Metës. Është simptoma e një regjimi diktatorial. Kur ishte Lulzim Basha ishte spiuni që i jepte serbëve dosjet e UÇK-së. Kur është Andi Bushati është një mashtrues ordiner, kur ishte Sali Berisha është non-grata, Ilir Meta është spiun. Këtu është një sistem ku makineria diktatoriale e regjimit përpiqet të shkatërrojë me çdo kusht, çdo zë kundër Edi Ramës. Ore le ta besojmë, e zëmë se Ilir Meta ka qenë spiun. Edi Rama duhet të dilte sot dhe të thoshte unë kam ardhur në qeverie me votat e një spiuni, unë votova për President një spiun dhe unë atëherë po iki nga pushtetit së bashku me këtë spiunin. Faji është individual kur bën fajin, por kur fajin e kthen në frymë politike, nuk është më ashtu. Kllufi që vërtiten të gjithë këta është i pafajshëm, nuk shkon kjo”, nënvizoi analisti./ B.A. - CNA.al





Lajmet e fundit nga