web counter
LEXO PA REKLAMA!

SHKARKO APP

App Store
Google Play

Xhelal Mziu kërkon sërish bashkinë e Kamzës/ Gati të le mandatin e deputetit, fitoj ndaj Ramës

2022-10-26 22:41:00, Politikë CNA
Xhelal Mziu kërkon sërish bashkinë e Kamzës/ Gati të le
Deputeti i Partisë Demokratike, Xhelal Mziu

Deputeti i Partisë Demokratike, Xhelal Mziu, ka kërkuar sërish të kandidojë për bashkinë e Kamzës.

Mziu tha në Ora News se nëse opozita nuk gjen një kandidat që garanton fitoren në Kamzë, do ta lerë mandatin e deputetit për të garuar në zgjedhjet vendore.

Ai garantoi me bindje se do të fitojë kundër kryeministrit Edi Rama.

“Pengu im në këto 32 vite ka qenë viti 2019 sepse gjithë ato kryetarë bashkie që kanë fituar në 2015-ën kanë qenë vërtetë heronj dhe që ta lesh mandatin sikurse e lamë në 2019 ishte skandaloze. Mbase duhet ta kishim vazhduar sepse qytetet tashmë nuk do të ishin në dorë të Ramës. Unë jam i fokusuar në qarkun e Dibrës sepse është ndër qarqet më të diskriminuara nga Rilindja të vendit.

Do të mundohem të jap maksimumin tim. Unë jam një ndër themeluesit e qytetit të Kamzës, nëse vërtetë nuk do të ketë një kandidat që garanton fitoren e opozitës, unë do të lë mandatin e deputetit për ta mbajtur Kamzën në kampin blu. Garantoj fitoren edhe përballë Ramës”, theksoi Xhelal Mziu./ B.A. - CNA.al





Lajmet e fundit nga