web counter
LEXO PA REKLAMA!

SHKARKO APP

App Store
Google Play

Si iu falën “Babales” Bashkia e Korçës dhe Maliqit

2022-12-05 14:41:00, Politikë CNA
Si iu falën “Babales” Bashkia e Korçës dhe Maliqit
Ervin Salianji

Ervin Salianji, i cili shpesh artikulohet si “Babalja”, njeriu i skandalit erotik me Grida Dumën, duket se është kthyer në një faktor politik, të cilin e vlerëson dhe Sali Berisha.

Në fakt “Babalja” është skenarist dhe autor kryesor i shumë përplasjeve në Partinë Demokratike, është njeriu që me një bisht lopate në dorë iu vërsul demokratëve në 8 janar, por me sa duket Berisha dhe të tijtë kanë një memorie të shkurtër.

Është njeriu që deklaroi se PD-ja e Berishës s’do t’i fitonte kurrë zgjedhjet e marsit, apo dhe Berisha duhet të zhdukej nga skena politike si “non grata” dhe dhjetëra e qindra akuza të tjera.

Por koha kalon, inatet ftohen, dhe ‘Babalja” rikthehet në skenë. Së fundmi në Korçë kanë ndodhur Primaret për kandidatin për kryetar bashkie të këtij qyteti, ku kanë kandiduar tri personazhe: Ledina Aliolli, Gjergji Gjata dhe Entela Dvorani.

Në mbyllje të garës Ledina Aliolli ka fituar me mbi 600 vota, kur në fakt muaj më parë kishte kandiduar për kryetare të degës së PD-së dhe kishte marrë vetëm 200 vota.

 

Një rezultat që erdhi edhe për shkak të votimit me pagesë të shtresave të marxhinalizuara, gjoja në emër të simpatizantëve, fluksi dhe pjesëmarrja shumë e vogël, interesimi është katastrofë, por gjithçka u shpjegua thjeshtë dhe vetëm me një fjalë: “pazar politik”.

Salianjit iu fal kandidatja e Bashkisë së Korçës, gjithashtu do t’i falen dhe shumë nga emrat që do të vihen në listat e këshilltarëve, për shkak të pazareve që ky ka bërë me Flamur Nokën në emër edhe të Sali Berishës, për të qëndruar faktor politik në qarkun e Korçës dhe për të vazhduar mbështetjen për Sali Berishën, duke braktisur Lulzim Bashën.

Nga ana tjetër e njëjta skemë është përdorur me Maliqin, ku në këtë bashki nuk po gjendej dot kandidat, ishte mjaft e vështirë. Disa javë më parë, u shpall kandidatura e Alfred Berberit, por  në fund në 48 orët para votimit, fleta ku do të vendosej shenja e përzgjedhjes kishte dhe një emër tjetër, atë të Alfred Gegës.

Alfred Gega është një ish-kandidat për deputet në disa zgjedhje në zonën elektorale të njësisë administrative Pojan, ku ka humbur.

Si iu falën “Babales” Bashkia e Korçës dhe Maliqit
Alfred Gega

Ai ka qenë edhe në listën e fundit të Lulzim Bashës si kandidat, tashmë Alfred Gega me bekimin e Flamur Nokës dhe kërkesën e Ervin Salianjit, shpallet si kandidat zyrtarisht pasi fiton primaret në Bashkinë e Maliqit, pas një urdhri politik të dhënë nga Salianji.

Në fakt nuk është thjeshtë dhe vetëm Ervini e pazaret me Flamur Nokën dhe kërkesat e Berishës, që ky t’i bashkohet grupit zyrtar të PD-së për të sulmuar Bashën dhe për të pasur më shumë kontroll në degën lokale të Korçës, apo në këtë qark.

Si iu falën “Babales” Bashkia e Korçës dhe Maliqit
Flamur Noka, Ervin Salianji

Nga ana tjetër edhe deputeti i njohur me pseudonimin “Kërmilli”, Edmond Spaho, një nga servilët e Lulzim Bashës në krah të Berishës për të kërkuar mandatin e radhës për deputet, duke kërkuar mandatin e gjashtë, ka luajtur rolin e tij edhe në Maliq edhe në Korçë, pasi “kërmilli” përpara “Babales” tërhiqet dhe pranon zgjedhjet e këtij të fundit dhe sidomos pazaret e pista politike, të cilat për një Salianj, për një “Babale”, për një palaço politik, për një njeri i cili me bishtin e lopatës dhunoi demokratët në 8 janar, po falen në tavolinë Bashkia e Maliqit dhe Bashkia e Korçës.

Zgjidhjet politike duken të qarta, për të marrë një deputet në grupin parlamentar, po falen bashki, të cilat kuptohet do të humben, por pasojat do t’i kenë edhe në zgjedhjet e ardhshme parlamentare, sidomos me “rrymat vizionare” të ‘Babales dhe “Kërmillit”.





Lajmet e fundit nga