web counter
LEXO PA REKLAMA!

SHKARKO APP

App Store
Google Play

E fundit!

x

Arjan Hoxha lë mënjanë akuzat e Prençit/ Mesazhi për dy rivalët e tij në Primare

2022-12-05 12:01:00, Politikë CNA

Arjan Hoxha lë mënjanë akuzat e Prençit/ Mesazhi për

Arjan Hoxha, kandidati për kryebashkiak i Kamzës, i cili doli një ditë më parë nga Primaret ka falënderuar strukturat e degëve të PD Kamëz dhe Paskuqan, komisionerët, numëruesit dhe vëzhguesit, të cilët në vlerësimin tim kanë bërë një punë të shkëlqyer.

Hoxha ka folur me supërlativa edhe për dy rivalët e tij në garë, Asllan Dogjanin dhe Shemsi Prençin, duke i lënë mënjanë akuzat e këtij të fundit se ka pasur manipulime apo se kanë votuar socialistë.

“Primaret mbaruan dhe tani është koha të bashkohemi të gjithë për fitoren e demokratëve dhe opozitës në zgjedhjet e 14 Majit.

Prandaj, i ftoj që sot kolegët e mi z. Dogjani dhe z. Prençi që të bashkohemi në një përpjekje të përbashkët për t'ua kthyer bashkinë qytetarëve të Kamzës dhe Paskuqanit.

Kundërshtarët tanë janë Edi Rama dhe Rakip Suli. Detyrimi ynë është ta mundim këtë dyshe të së keqes, dhe të punojmë bashkërisht për më shumë zhvillim, punësim dhe mirëqënie për të gjithë”, shkruan Hoxha në rrjete sociale.

Deklarata e plotë:

Të dashur demokratë të Kamzës dhe Paskuqanit !

Ju falënderoj përzemërsisht për pjesëmarrjen tuaj në procesin e primareve të zhvilluar ditën e djeshme.

Nëpërmjet pjesëmarrjes dhe angazhimit tuaj, ju e shndërruat atë proces në manifestimin më të bukur të demokracisë.

Dëshiroj të falënderoj strukturat e degëve të PD Kamëz dhe Paskuqan, komisionerët, numëruesit dhe vëzhguesit, të cilët në vlerësimin tim kanë bërë një punë të shkëlqyer.

Respekt dhe vlerësim për dy kolegët e mi, z. Asllan Dogjani dhe z. Shemsi Prenci, të cilët me punën dhe përkushtimin e tyre, i dhanë fisnikëri dhe bukuri garës së primareve në Kamëz.

Mirënjohje të thellë të gjithë anëtarëve dhe simpatizantëve të Kamzës dhe Paskuqanit, që më besuan të jem kandidatura e tyre për zgjedhjet vendore të 14 Majit. Do të përpiqem me të gjitha mundësitë e mia që të mos i zhgënjej kurrë.

Të dashur miq,

Në fjalën time të parë për primaret e kam thënë që në një garë të brendshme nuk ka të humbur dhe fitues, pasi proceset e lira, të ndershme dhe demokratike janë një mesazh i bukur fitoreje për të gjithë. Primaret mbaruan dhe tani është koha të bashkohemi të gjithë për fitoren e demokratëve dhe opozitës në zgjedhjet e 14 Majit.

Prandaj, i ftoj që sot kolegët e mi z. Dogjani dhe z. Prenci që të bashkohemi në një përpjekje të përbashkët për t'ua kthyer bashkinë qytetarëve të Kamzës dhe Paskuqanit.

Kundërshtarët tanë janë Edi Rama dhe Rakip Suli. Detyrimi ynë është ta mundim këtë dyshe të së keqes, dhe të punojmë bashkërisht për më shumë zhvillim, punësim dhe mirëqënie për të gjithë.

Faleminderit nga zemra!/CNA.al





Lajmet e fundit nga