web counter
LEXO PA REKLAMA!

SHKARKO APP

App Store
Google Play

Nuk e zgjodhën kryetare partie, e zgjedhin kandidate për kryetare bashkie

2022-12-05 13:54:00, Politikë CNA
Nuk e zgjodhën kryetare partie, e zgjedhin kandidate për kryetare
Partia Demokratike Korçë

Primaret e Partisë Demokratike të doktor Berishës, kanë sjellë edhe rezultate qesharake në disa njësi vendore. Kështu ka ndodhur edhe në degët e Partisë Demokratike në Korçë, ku në fakt më shumë sesa zgjedhje ka pasur një paravendosje të rezultatit.

Kjo për shkak të një pazari midist përfaqësuesve të Berishës, pra Flamur Nokës dhe të ashtuquajturit “skandalozi Babale”, autorit të videos së famshme, ku qartazi duket se atij i janë falur Bashkia e Korçës dhe Bashkia e Maliqit, një negocim që ky deputet të qëndronte në grupin e Berishës dhe të fillojë e të sulmojë Bashën, megjithëse është më produkt i qartë i këtij të fundit.


Në Bashkinë Korçë ka ndodhur ajo që në fakt ishte paralajmëruar. Kanë votuar njerëz pa qenë anëtarë si simpatizantë të regjistruar. Ka pasur akuza se janë paguar edhe para për të çuar gjoja simpatizantë për të marrë pjesë në procesin e votimit.

Në fakt, në të gjithë Bashkinë e Korçës, ku janë 109 mijë votues në listat e zgjedhësve, për Partinë Demokratike në Primare kanë votuar thjeshtë dhe vetëm 1100 persona dhe rezultati final ka nxjerrë me 640 Ledina Aliollin.

Nuk e zgjodhën kryetare partie, e zgjedhin kandidate për kryetare

 


Në të gjithë këtë histori mjafton të kthehemi pak muaj më parë, kur janë bërë zgjedhjet e degës së PD-së së Korçës, ku Ledina Aliolli kandidoi për kryetaren e degës. Ajo kishte përballë Devis Osmanin dhe Mateo Ballin, numri i votuesve ishte më pak, por zonja Aliolli mori rreth 200 vota.



Pra kandidon për kryetare partie në strukturat e degës së Partisë Demokratike të Korçës me votë politike dhe merr thjeshtë dhe vetëm 200 vota.

Kandidon për kryetare bashkie, me votat e degës politike, por dhe me disa simpatizantë të shtuar dhe shkon e merr 640 vota, pra votat shtohen a thua se në qytet simpatia ndaj kësaj zonjës është më e madhe sesa vetëm brenda strukturave të PD-së.

E në rast se kjo do të ishte e vërtetë, sërish është problematike, pasi zonja ka qenë deputete, drejtuese e PD-së dhe kur nuk e duan në “shtëpinë e saj”, vaj halli si mund ta duan më tej në qytet.

Ndodh në Korçë, kandidon për kryetare partie humbet, merr shumë pak vota, kandidon për kryetare bashkie fiton për shkak të pazareve që bëhet me “Babalet”, për shkak të votave që nxjerrin nga kutitë simpatizantët, “të paguar” që vijnë nga shtresat e marxhinalizuara që paguhen me 20 mijë lekësha dhe në finale procesi i Primareve në Korçë jep një rezultat, fitoren e kandidatit të Partisë Socialiste në zgjedhjet e 14 majit.

Gjithçka tashmë duket se është e garantuar, pasi Ledina Aliolli ka kandiduar në çdo garë, për deputete, për krytare dege, për kryetare të gruas e të tjerë, dhe gjithmonë ka humbur, ka përfituar vetëm kur është emëruar.  



Now he is again due to an official candidacy agreement, he will face Sotiraq Filo and until May 14 and after that date, the renaissance candidate apparently becomes the highway. /CNA.al

 





Lajmet e fundit nga