web counter
LEXO PA REKLAMA!

SHKARKO APP

App Store
Google Play

Projektbuxheti 2023/ Shehi: Paratë e fukarenjve do ua shpërndajnë të pasurve

2022-11-09 19:06:00, Politikë CNA
Projektbuxheti 2023/ Shehi: Paratë e fukarenjve do ua shpërndajnë
Deputeti Dashamir Shehi

Deputeti Dashamir Shehi ka kundërshtuar projektbuxhetin e vitit 2023.

Gjatë fjalës së tij në Parlament, Shehi tha se ky buxhet është rreth 5 miliardë dhe është më i madh sesa të vjetrit.

Sipas tij, paratë e fukarenjve do të mblidhen me anë të taksave dhe rritjes së çmimeve dhe do t’i shpërndahen të pasurve.

“Ky buxhet është rreth 5 miliardë dhe është më i madh sesa të vjetrit. Por kështu janë buxhetet, janë duke u rritur dhe në këtë rritje nuk ka asgjë të jashtëzakonshme. Ky buxhet ka në kurriz edhe një 500 milionë që u janë mbledhur shqiptarëve pas rritjes së çmimeve. Unë them se ata që kanë dëshirë për t’u marrë me filozofinë e buxheteve, duhet të dinë se kujt ia marrin paratë që bëhet ky buxhet, mblidhen nga të pasurit, nga të varfrit dhe nga ata që nuk kanë hiç? Bëni llogaritë nga ku merren këto para për buxhetin se kjo e bën ndryshimin.

Ky buxhet mblidhet nga paret e fukarenjve, nga rritja e çmimeve. Kush i pagoi këto? I pagoi çmimi i djathit, i qumështit. Ku shpërndahet ky buxhet, se mirë që mblidhet tek të varfërit se po të shpërndahej tek këta do ishte gjysma e së keqes. Për t’ja marrë, ua marrin të varfërve por ua shpërndajnë të pasurve. Askush nuk e përmend këtu se nga u shtuan paratë dhe për kë shkuan këto para. Unë një ide kam, që e kam thënë me vite. Hajde të rrisim rrogat e shqiptarëve se vetëm kështu, u japim njerëzve të përballojnë inflacionin e akumuluar prej 10 vitesh”, theksoi deputeti./ B.A. – CNA.al





Lajmet e fundit nga