Luli i vulës kërkon të riorganizojë partinë me karta të djegura

2023-06-19 12:29:00, Politikë CNA

Luli i vulës kërkon të riorganizojë partinë me karta

Lulzim Basha i ngelur me vulën në dorë po përpiqet që të bëjë atë, të cilën ai e quan riorganizim të PD-së dhe zgjedhje të reja.

Pasi doli në terren dhe dështoi, kur në takimet e tij nuk shkojnë më shumë se 5 veta dhe pjesën tjetër të njerëzve ai e merr nga Tirana, Basha tashmë ka filluar lëvizjen e tij.

Pas konfliktit që ndodhi në kryesi dhe faktit se nuk ka këshill kombëtar dhe nuk i shkon më askush, Luli ka mbledhur 10-15 besnikë të tij, të cilët i ka shpërndarë në të gjithë Shqipërinë. I ka shpërndarë gjoja si përfaqësues të kryesisë së PD-së të zhvillojnë zgjedhjet për të ecur përpara me procesin për zgjedhjen e kryetarit.

Sipas njoftimit të nxjerrë nga partia e vulës, thuhet se është bërë një listë me të deleguarit në shumë qarqe.

Luli i vulës kërkon të riorganizojë partinë me karta

Në fakt janë 22 të deleguar, 22 individë të shpërndarë në të gjithë Shqipërinë.

Është sa për të qeshur dhe për të qarë se Lulzim Basha nuk ka mundur të ketë të paktën rreth 61 të deleguar në çdo bashki.

Pa folur më pas për Tiranën, e cila duhet të kishte numër të madh emrash, por është përpjekur t’i shpërndajë të njëjtët individë besnikë që i qëndrojnë nga pas.

Për shembull, në Berat ka çuar Roland Bejkon, ish-prefektin e këtij qarku në kohën e PD-së, që u merrte katundarëve domate pa lekë.

Luli i vulës kërkon të riorganizojë partinë me karta

Në Dibër ka çuar sërish Xhemal Gjunkshin me Kreshnik Çollakun dhe Dhurata Cupin.

Të tre deputetët dhe kandidatë të Lulit në Dibër, humbës dhe në zgjedhjet e fundit me kandidatët e tyre nuk dolën as të tretët, diku ishin dhe të katërt.

Më pas lista vijon me Endri Hasën, që do të udhëheqë Durrësin së bashku me Enkelejd Alibeajn, fituesin e madh të zgjedhjeve lokale.

Më tej në Elbasan e dorëhequra Flutura Açka, pasuar nga Gazment Bardhi, Dash Sula dhe Lefter Gështenja.

Luli i vulës kërkon të riorganizojë partinë me karta

Kë të zësh dhe kë të lësh.

Në Fier, kuptohet, nuk ka njeri nga Fieri, por do të duhen dy lushnjarë, Gazment Koduzi dhe Saimir Korreshi, nën udhëheqjen e Agron Kapllanajt të ngrenë një qark të majtë për ta çuar drejt fitores së PD-së.

Nuk kanë pasur kë të çojnë në Kukës dhe kanë marrë Gjunkshin nga Dibra dhe e kanë hedhur atje.

Në Korçë nuk kanë mundur të gjejnë një korçar. Në këtë qark do të shkojë i dënuari si mashtrues, Fitim Zekthi, i pasuar nga Eris Hoxha, i cili do të mbulojë Pogradecin dhe Bledion Nallbati, ky i fundit deputet i qarkut të Korçës, që në zgjedhjet lokale humbi turpshëm në Bashkinë e Devollit me rezultatin më të thellë historik të ndodhur ndonjëherë.

Luli i vulës kërkon të riorganizojë partinë me karta

Në Lezhë kanë çuar biznesmenin e varreve, Indrit Sefa, avokat i cili ka qenë kandidat në zgjedhjet e 6 marsit të vitit të shkuar në Lushnjë dhe e ndriti Lushnjën duke dalë i treti apo i katërti dhe tashmë do të shkojë të rregullojë Lezhën.

Luli i vulës kërkon të riorganizojë partinë me karta

Në Shkodër, Xhemal Bushati, Taulanda Jupi dhe Helidon Bushati do të jenë njerëzit që do të riorganizojnë këtë degë, kuptohet tashmë do ta kenë edhe më thjeshtë pasi me fitoren e socialistëve do të kenë dhe ndihmën e kryebashkiakut në detyrë, i cili do të bëjë gjithçka që t’u krijojë njerëzve të Bashës terrenin për të ringritur partinë e tyre të shkërmoqur, e cila në fakt nuk ekziston.

Në Vlorë ka shkuar Arbi Agalliu dhe Gentjan Gaba që bashkë në të gjithë qarkun nuk mbushin dot një furgon me njerëz për ta sjellë në Tiranë.

Luli i vulës kërkon të riorganizojë partinë me karta

Tri degët e Tiranës do t’i mbulojë Oriola Pampuri, një udhëheqëse e fuqishme kjo e Bashës, e pasuar nga Kreshnik Çollaku që do të mbulojë dy degë të tjera, në Tiranë, përfshirë dhe Dibrën.

Në degën 5, një nga më të mëdhatë do të shfaqet sërish Roland Bejko, por këtu vjen dhe Taulant Zeneli, ishidrejtori i famshëm i Lulzim Bashës kur ishte në Bashkinë e Tiranës. Në dy degë të tjera sërish shfaqet Gazment Koduzi, i cili përveç qarkut të Fierit duhet të drejtojë dhe dy degë të tjera të Tiranës që janë po aq të mëdha sa Fieri.

Rishfaqet Taulant Zeneli, i gjithëfuqishëm në Tiranë në tri degë të tjera. Më pas Endrit Hasa nga Durrësi do të drejtojë edhe dy degë të tjera të Tiranës.

Më tej, i dënuari si mashtrues Fitim Zekzhi do të ndiqet nga Jonila Godole në një degë tjetër të Tiranës. Enkelejd Alibeaj do të ketë tri degë të tjera në Tiranë.

I plotfuqishmi Xhemal Gjunkshi nga Dibra në Kukës edhe dy degë të tjera do t’i drejtojë në Tiranë.

Në Kavajë sërish do shkojë Endri Hasa dhe në Rrogozhinë lista mbyllet sërish me një të dënuar si mashtrues si Fitim Zekzhi.

Për të njëtët emra të njëtët individë, një grusht njerëzish që pretendojnë se do të organizojnë PD-në e vilës për të bërë Lulin kryetar.

Në fakt, me shumë gjasa gjithçka do të jetë e manipuluar, do të jetë një proces fiktiv, thjesht dhe vetëm do mbushen procesverbale për të rikthyer Lulzim Bashën në terrenin politik dhe së shpejti për t’i krijuar hapësirën për një marrëveshje me Ramën dhe të realizojë shpresën e vitit 2017, atë marrëveshjen e tij për të bashkëqeverisur me socialistët.

Por për ta bërë këtë i duhet që të jetë dhe formalisht kryetari i PD-së së vulës dhe një tufë “të çmendurish” që e ndjekin nga pas me idenë se nesër do të jenë qeveria e ardhshme dhe përfaqësuesit e Lulzim Bashës në pushtetin e korruptuar që do të zgjedhë për të qeverisur me Ramën./CNA