web counter
LEXO PA REKLAMA!

SHKARKO APP

App Store
Google Play

Lajmi për sulmin kibernetik/ Klodian Tomorri “tallet” me “Top Channel”

2022-07-20 19:40:00, Politikë CNA
Lajmi për sulmin kibernetik/ Klodian Tomorri “tallet” me
Gazetari Klodian Tomorri

Gazetari Klodian Tomorri ka ironizuar televionin “Top Channel” për lajmin se hackerat kanë shkatërruar të dhënat e shtetit shqiptar dhe kanë kërkuar 30 milionë euro në Bitcoin si shpërblim për të liruar sistemin.

Me anë të një statusi në rrjetet sociale, Tomorri thotë se me dy lajme të shpejta, media mund të gjobisë edhe Presidentin e Iranit.

“Ore këta të Iranit neve do na vinin gjobë kështu? Neve që jemi nona e kësaj pune. Jo shumë, por tre televizione dhe tre portale i kishim lëshuar për kundërofensivë ne.

Dy lajme të shpejta aty që Presidenti i Iranit është me barrë dhe opaa tuc. Jo sistemet që do riktheheshin në punë, por do vinte të paguante 100 milionë dollarë gjobë këtu ai pastaj që të hiqeshin lajmet.

Tërhiqu armik se ta lëshuam kundërofensivën”, shkruan gazetari.

Kujtojmë se me tone të ashpra ndaj “Top Channel” ka folur edhe kryeministri Edi Rama, i cili e quajti televizionin bandë dixhitale që vë gjoba.

Rama përgënjeshtroi lajmin dhe deklaroi se akuzoi “Top Channel” për shpifje dhe për përhapje paniku./ B.A. – CNA.al





Lajmet e fundit nga