web counter
LEXO PA REKLAMA!

SHKARKO APP

App Store
Google Play

Hetimet për Ilir Metën/ Gjendja Civile i përgjigjet SPAK

2022-08-26 17:26:00, Politikë CNA
Hetimet për Ilir Metën/ Gjendja Civile i përgjigjet SPAK
SPAK

Në funksion të hetimit që ka nisur, Prokuroria e Përgjithshme ka kërkuar informacion nga Gjendja Civile për gjeneralitetet e ish-Presidentit Ilir Meta.

Kësaj kërkese të drejtuar më 8 gusht, i është përgjigjur rreth 10 ditë më parë Drejtoria e Përgjithshme e Gjendjes Civile.

Ky institucion bën me dije se në gjendjen civile, ish-presidenti është i regjistruar me emrin Ilir Metaj dhe nuk ka bërë ndryshime.

Hetimet për Ilir Metën/ Gjendja Civile i përgjigjet SPAK
Letra drejtuar nga SPAK

Ndërkohë, Prokuroria e Posaçme do të dërgojë letërporosi edhe në SHBA, për më tepër informacion lidhur me hetimet që janë nisur për kreun e PL-së.

Gjithashtu, mediat kanë raportuar se Prokuroria e Posaçme do të kërkojë informacion edhe nga kompanitë e lobimit për pagesat që ka bërë LSI-ja.

Aktualisht SPAK po e heton kreun e PL-së për dy vepra penale, për "korrupsion pasiv" sipas nenit 259 të Kodit Penal dhe "falsifikim të formularëve" sipas nenit 190 të Kodit Penal.

Hetimet për Ilir Metën/ Gjendja Civile i përgjigjet SPAK
Përgjigja e Gjendjes Civile

Objekt i hetimeve janë pasqyrat e burimeve financiare të depozituara në KQZ nga LSI, për lobim e shpenzime elektorale në SHBA.

Kujtojmë se hetimi nisi pas një kallëzimi të bërë nga ish-deputeti Halit Valteri, i cili pretendon se janë paguar qindra mijëra euro për lobim, për pastrimin dhe ngritjen e figurës së Ilir Metës./ B.A. ? CNA.al





Lajmet e fundit nga